阿 摩 司 書

1 2 3 4 5 6 7 8 9

3:1 以色列人啊,著聽耶和華所講攻擊恁的話,就是攻擊我所導出埃及地的全家的話:
3:2 佇地上萬族中,我只有識恁;所以,我欲辦恁一切的罪過。
3:3 二人若無相約,豈會相及行?
3:4 獅若無咬著物,豈會佇樹林內哮嗎?細隻勇的獅若無所得著,豈會對穴內出聲嗎?
3:5 若無張活罩,鳥仔豈會陷落地上的羅網嗎?羅網若無所得著,豈會對地上翻起來嗎?
3:6 城內若歕哨角,百姓豈無驚惶嗎?災禍若到一個城,豈呣是耶和華所降落的嗎?
3:7 主耶和華若無用伊祕密的意思指示伊的奴僕──諸個先知,就攏無所行。
3:8 獅啲哮,是誰無驚?主耶和華已經講,是誰無講先知的話?
3:9 著佇亞實突的宮殿及埃及地的宮殿報揚講:恁著聚集佇撒瑪利亞諸個山,就看見其中的大擾亂及彼內面暴虐的事。
3:10 因為曉得行正直,就是用強暴及搶劫的物、積聚佇的宮殿內。這是耶和華講的。
3:11 所以主耶和華按呢講:欲有對敵來圍困此個地,互你的勢力衰微,搶你的宮殿。
3:12 耶和華按呢講:「親像牧者對獅的嘴搶出二支腳抑是半塊耳仔,按呢踮撒瑪利亞以色列人撐佇眠床角抑是舒(chhu)綉花毯的眠床者,的得著救亦不過是按呢。」
3:13 主耶和華──萬軍的上帝講:恁著聽此個話,亦著干證佇雅各家。
3:14 我辦以色列罪過的日,也欲辦伯特利的祭壇;壇角欲受剉折(chhò-chi̍h),墜落地。
3:15 我欲毀伊冬天的厝、夏天的厝。象牙的厝也欲毀滅;大厝亦攏無去。這是耶和華講的。


回聖經目錄