阿 摩 司 書

1 2 3 4 5 6 7 8 9

9:1 我看見主徛佇祭壇邊;伊講:你著拍柱枓(thiâu-táu),互門椗(tēng)振動,拍碎伊,來傷著眾人的頭殼;所剩的人,我欲用刀刣,無一個走會離,無一個會得著救。
9:2 雖然掘到陰間,我的手欲對遐掠出來;雖然上到天,我欲對遐掠in落來;
9:3 雖然匿(bih)佇迦密山頂,我欲搜尋,對遐掠出來;雖然閃避我的目睭前匿佇海底,我欲對遐命令蛇,伊欲咬
9:4 雖然受掠佇對敵的面前,我欲對遐命令刀劍,伊欲刣;我欲注目看伊,是欲降災禍呣是欲降福氣。
9:5 因為主──萬軍的耶和華摸地,地就消溶,見若徛起彼中間者欲悲哀。全地欲親像大河漲起來,亦欲退低親像埃及河。
9:6 佇天頂起伊的房間、佇地上下穹蒼的地基、叫海水來傾佇地裡者──伊的名是耶和華。
9:7 耶和華講:以色列人啊,我豈無看恁親像古實人嗎?我豈呣是導以色列人出埃及地,非利士人出迦斐託亞蘭人出吉珥嗎?
9:8 看啊,主耶和華注目看此個有罪的國,我欲對地上滅伊,總是無欲一盡滅雅各的家。這是耶和華講的。
9:9 看啊,我欲出命令,佇萬國中簸(pòa)以色列家,親像用簸箕(pòa-ki)簸五穀,無一粒(tēng)的磕落地。
9:10 我的百姓中間攏總有罪的人講:災禍趇(bōe-jip)著阮,亦抵著阮的。欲死佇刀下。
9:11 到彼日,大衛已經倒的布棚,我欲閣給伊徛起來,也欲補伊的破隙,欲起伊許個倒壞的,來建立伊,親像早時一樣。
9:12 得著以東猶剩的做業,亦得著許個用我的名來稱的外邦。這是行此個事的耶和華所講的。
9:13 耶和華講:看啊,日子欲到,犁(lôe)田者欲趇(jip)著收割者;踏葡萄者欲趇著撒種者,大山欲滴甜酒;小山欲流奶。
9:14 我欲互我的百姓以色列受掠者倒轉來;in欲閣起荒廢的城來徛起,栽葡萄園,來飲伊的酒,作園,來食伊的果子。
9:15 我欲栽培佇本土地,無閣抵著拔(pu̍ih)出佇我所互的地。這是耶和華──你的上帝講的。