歌 羅 西 書

1 2 3 4

2:1 因為我愛恁知,我為著恁及許個住佇老底嘉的,以及見若佇肉體未曾見著我的面的,有怎樣爭戰;
2:2 通互的心受安慰,佇仁愛相結聯,對充滿的曉悟得著一切的富有,來深知(chhim-chai)上帝的奧妙,就是基督;
2:3 凡若智慧及知識的寶貝,攏囥佇伊。
2:4 我講按呢,免得人用奇巧的話來迷惑恁。
2:5 因為我肉體離開恁,神及恁佇啲,歡喜看見恁的整齊,以及恁信靠基督的堅固。
2:6 所以恁既然接納主基督耶穌,就著照按呢佇伊來行,
2:7 已經釘根佇伊,就直直受起造,對信來堅固,照恁所曾受的教示,滿滿感謝。
2:8 著謹慎,免得互人用伊的哲學及空空的無影話來迷惑恁,照人的遺傳,照世間的小學,呣是照基督。
2:9 因為上帝性質的豐盛攏齊備(chiâu-pī)佇伊,
2:10 佇伊也得著豐盛。伊是一切辦政事掌權者的頭。
2:11 佇伊恁也已經受割禮,呣是用手來行的割禮,就是基督的割禮,褪去肉體的身軀。
2:12 已經佇洗禮及伊同埋葬,就佇此個洗禮也及伊同起來,是對信上帝的功用,就是對死人中互伊起來的。
2:13 閣恁前為著罪過(koa̍)及肉體的無割禮來死的,今上帝互恁及基督同復活,已經赦免咱攏總的罪過;
2:14 擦消攻擊咱諸個規例的字樣,就是對敵咱的,釘伊佇十字架,來對中間除伊。
2:15 既然敗許個辦政事的、掌權的,就公行顯明,佇十字架贏來大悅(tāi-ia̍t)。
2:16 所以,莫得因為所食所飲的,抑是為著節期、初一,以及安息日的緣故,互人擬議(gí-gī)。
2:17 諸個攏是將來的事的影;若是形就是基督的。
2:18 莫得互人搶恁的報賞,故意謙卑敬拜天使。倚靠所有看見的,照肉體的心志,干單啲肨(phòng)風,
2:19 無連住佇彼個頭。全身是倚靠彼個頭,對諸個節及筋得著接應聯絡,照上帝所賞賜的長成來長成。
2:20 恁若及基督同死,脫離世間的小學,怎樣愈親像活佇世間,來家己降服佇諸個規例,親像講
2:21 「莫得提著、莫得試食、莫得摸著」?
2:22 諸個物攏是用了會敗壞的,是照人的條規及教示。
2:23 諸個規例是互人行自專的敬拜,家己謙卑,無惜身軀,名是有智慧,其實攏無功效通約束肉體的放縱(hòng-chhiòng)。

回聖經目錄