申 命 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34

1:1 摩西約但外、佇曠野疏弗對面的亞拉巴──就是佇巴蘭陀弗拉班哈洗錄底撒哈的中間──對以色列的眾人所講的話記佇下底。(
1:2 何烈經過西珥山的路到加低斯巴尼亞有十一日的路站。)
1:3 佇第四十年十一月初一日,摩西照耶和華一切所命令伊的攏給以色列人講。
1:4 彼時,伊已經拍贏徛起佇希實本亞摩利西宏及徛起佇以得來亞斯他錄巴珊(Go̍k)。
1:5 摩西約但外的摩押地起頭傳此個律法講:
1:6 「耶和華──咱的上帝佇何烈吩咐咱講:恁徛起此個山已經久啦;
1:7 著起身越轉到亞摩利人的山地及近倚遐的逐所在,佇亞拉巴、佇山地、佇平洋、佇南方,沿海一帶迦南人的地,及黎巴嫩閣到大河就是伯拉河
1:8 今我用此個地排列佇恁的面前;恁著入去得著伊來做業,就是耶和華對恁的祖亞伯拉罕以撒雅各咒誓欲賞賜的後裔的地。」
1:9 「彼時,我給恁講:『恁的責成,我家己一個擔當起。
1:10 耶和華──恁的上帝互恁加添多多。看啊,恁今仔日親像天頂的星許多。
1:11 願耶和華──恁列祖的上帝互恁比現今加千倍多,也照伊所應允恁的賜福恁。
1:12 恁的重擔,恁的責成,及恁的冤家,我家己一個豈可擔當會起啊?
1:13 恁著照逐支派揀有智慧、有見識、有名望的人,我設立做恁的首領。』
1:14 恁應我講:『你所講的是好,通行伊。』
1:15 我就將恁逐支派的首領,就是有智慧、有名望的人,設立做首領,就是千總、百總、五十夫長、十夫長,及有司,照恁的支派來管理恁。
1:16 「當時,我命令恁的審判官講:『恁佇恁兄弟中審判,或是人及伊的兄弟,抑是及in中間的出外人有相告,著照公道判斷。
1:17 審判的時,呣通看人的外貌;弱及強平平著聽伊,呣通驚畏人,因為審判屬佇上帝。恁解決的事,互伊到我遮,我就判斷伊。』
1:18 彼時,我將恁所應該行的事攏命令恁。」
1:19 「咱照耶和華──咱的上帝所命令咱的對何烈起身,經過恁所看見彼個大閣通驚的曠野,路對亞摩利人的山地,咱就到加低斯巴尼亞
1:20 我對恁講:『恁已經到耶和華──咱的上帝賞賜咱亞摩利人的山地。
1:21 看啊!耶和華──恁的上帝已經將彼個地排列佇你的面前,你著照耶和華──你的列祖的上帝所對你講的上去來得著伊做業;莫得驚,莫得懍(lún)。』
1:22 彼時恁攏就近我來講:『咱著差人代先去,給咱偷看彼個地,回覆咱,看咱著對甚麼路上去,甚麼城入去。』
1:23 這話我看做好,我就對恁中間揀十二人,每支派一人。
1:24 就越轉身上山地去,到以實各的山谷,偷看伊。
1:25 手裡提彼所在的果子,帶來到咱遐,回覆咱講:『耶和華──咱的上帝所賞賜咱的是好的土地。』
1:26 「總是恁呣肯上去,背耶和華──恁的上帝的命令,
1:27 閣佇恁的布棚內哀怨講:『因為耶和華怨恨咱,所以導咱出埃及地,欲將咱交佇亞摩利人的手,剿滅咱。
1:28 咱欲上去叨落啊?咱的兄弟互咱失志,講遐的百姓比咱卡大卡(lò),城闊大閣堅固,高到抵天,閣阮佇遐看見亞衲族的人。』
1:29 我就對恁講:『莫得懔(lún),莫得驚
1:30 行佇恁的面前的耶和華──恁的上帝欲替恁交戰,親像伊佇埃及為著恁來行佇恁目睭前一切的事。
1:31 閣親像伊行佇曠野,佇遐你看見耶和華──你的上帝佇你一切所行的路有怎樣揹你,親像人揹伊的子一樣,到恁到佇此個所在。』
1:32 總是恁佇此個事呣信耶和華──恁的上帝。
1:33 伊佇路裡,佇恁的頭前啲行,給恁尋安營的所在;暝時用火,日時用雲,指示恁所著行的路。」
1:34 「耶和華聽見諸個話的聲,就受氣,咒誓講:
1:35 『此個歹世代的人,決斷無一個會看見我咒誓賞賜恁列祖的好地;
1:36 只有耶孚尼的子迦勒欲得著看見,閣我欲用伊所踏著的地賞賜伊及伊的子孫,因為伊專心隨耶和華。』
1:37 耶和華為著恁的緣故也受氣我,講:『你也得著入彼個所在。
1:38 跟隨你的、的子約書亞,伊欲入去遐;你著勇壯伊的心志,因為伊欲互以色列人承接彼個所在。
1:39 閣恁的囝仔,就是恁所講、欲受掠的,及今仔日恁許個曉好歹的子兒,欲入去遐。我欲將彼所在互欲得著做業。
1:40 論到恁,恁著越倒轉起身,對紅海的路去曠野。』
1:41 「彼時,恁應我講:『阮得罪耶和華,今阮欲照耶和華──阮的上帝一切所命令的上去交戰。』對彼霎恁逐人帶軍器,隨便上去山地。
1:42 耶和華給我講:『你著給講:呣通上去,也呣通交戰;因為我無佇恁中間,驚了恁刣輸對敵。』
1:43 我就給恁講,總是恁呣聽趁,悖逆耶和華的命令,自專上去山地。
1:44 踮佇山裡的亞摩利人就出來攻擊恁,親像蜂追趕恁一般,佇西珥刣贏恁,直到何珥瑪
1:45 恁就倒轉來,佇耶和華的面前啼哭;總是耶和華呣聽恁的聲,也呣俯耳孔向恁。
1:46 恁就踮佇加低斯多多日,照恁踮佇遐的日。」