章 | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 |
9:1 | 耶和華對摩西講:「你入去見法老,給伊講:『耶和華──希伯來人的上帝按呢講:著准我的百姓去,通服事我。 |
9:2 | 你若呣肯互去,猶原勉強留, |
9:3 | 看啊,耶和華的手欲伸佇你田裡的精牲,馬、驢、駱駝、牛群、羊群,欲有重的瘟疫。 |
9:4 | 耶和華欲分別以色列的精牲及埃及的精牲,凡若屬以色列人的無死一隻。』」 |
9:5 | 耶和華就定著時期,講:「明仔日耶和華欲佇此個地行此個事。」 |
9:6 | 隔日,耶和華就行此個事」。埃及的精牲攏總死,總是以色列人的精牲攏無死一隻。 |
9:7 | 法老差人去,看啊,以色列人的精牲連一隻也無死。總是法老的心固執,呣准百姓去。 |
9:8 | 耶和華對摩西、亞倫講:「恁著朳(put)幾若肨(phóng)爐裡的火灰,摩西著佇法老的面前向天撒去。 |
9:9 | 欲佇埃及全地變做塵埃(tîn-ai),佇埃及全地佇人及精牲的身軀,攏生仔(lia̍p-ā)成做瘡。」 |
9:10 | 就朳(put)爐裡的火灰,徛佇法老的面前。摩西向天撒去,就佇人及精牲的身軀生仔(lia̍p-ā)成做瘡。 |
9:11 | 博士因為仔(liap-a)佇摩西的面前徛住(tiâu),因為博士及一切埃及人的身軀攏有彼號仔。 |
9:12 | 耶和華互法老的心硬,致到呣聽,抵抵照耶和華對摩西所講的。 |
9:13 | 耶和華對摩西講:「你清早起來,徛佇法老的面前,給伊講:『耶和華──希伯來人的上帝按呢講:著准我的百姓去,互通服事我。 |
9:14 | 因為此(chit)一擺我欲互我一切的災禍到佇你的心及你的人臣以及你的百姓,互你知佇普天下無一個會比並我。 |
9:15 | 我若伸手用瘟疫攻擊你及你的百姓,你就已經滅佇地上。 |
9:16 | 總是,我互你徛在,是刁故意欲用你顯明我的大權能,互我的名報揚佇遍地上。 |
9:17 | 你猶久對我的百姓自高,呣准去嗎? |
9:18 | 看啊,明仔日將近此時,我欲落大雹(pha̍uh),對埃及開國以來,未曾有按呢。 |
9:19 | 今你著差人將你的精牲及你田裡一切所有的迫入來;凡若佇田裡,無收倒來家裡的,無論人及精牲,雹欲落佇的身上,就欲死。』」 |
9:20 | 法老人臣的中間,驚畏耶和華的話的,就互伊的奴僕及精牲走入厝內, |
9:21 | 總是彼個無掠耶和華的話做要緊的,就將伊的奴僕及精牲留佇田裡。 |
9:22 | 耶和華對摩西講:「你向天伸手,互雹落佇埃及的遍地拍人及精牲,以及田裡的菜蔬,通埃及地攏按呢。」 |
9:23 | 摩西向天伸出伊的柺仔,耶和華就起雷落雹,有火行佇地面上;耶和華落雹佇埃及地。 |
9:24 | 對按呢,有雹也有火參佇雹的內面,真利害,對埃及開國以來,遍地未曾有按呢。 |
9:25 | 佇埃及遍地,見若佇田裡的無論人抑是精牲,攏互雹拍,雹也拍田裡一切的菜蔬,閣拍折(phah-chih)田裡一切的樹木。 |
9:26 | 獨獨佇以色列人所的歌珊地無落雹。 |
9:27 | 法老差人叫摩西、亞倫來,給講:「此一擺我有犯罪。耶和華是公義;我及我的百姓是歹。 |
9:28 | 今諸個脆雷(chhè-lûi)及雹已經夠額啦。求恁祈禱耶和華,我就准恁去,呣免閣踮遮。」 |
9:29 | 摩西給伊講:「我一下出城,就欲向耶和華攑起我雙支手;雷欲息,雹也無閣落,互你知全地攏屬佇耶和華。 |
9:30 | 總是論到你及你的人臣,我知恁猶是無驚畏耶和華上帝。」( |
9:31 | 彼時,麻及大麥(toā-be̍h)受拍歹;因為大麥已經出穗(sūi),麻也開花。 |
9:32 | 獨獨小麥及粗麥無受拍歹,因為猶未大欉。) |
9:33 | 摩西離開法老出城,攑起雙手向耶和華;雷及雹就息,雨也無閣傾(piàⁿ)落地。 |
9:34 | 法老看見雨、雹及雷攏息,就益發犯罪;伊及伊的人臣攏硬心。 |
9:35 | 法老心硬,呣准以色列人去,抵抵照耶和華託摩西所講的。 |