以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

12:1 耶和華的話閣臨到我講:
12:2 「人子啊,你徛起佇悖逆的家中。有目睭通看亦呣看,有耳孔通聽亦呣聽,因為是悖逆的家。
12:3 所以人子啊,你著為家己備辦受遷徙應用的物件,當頭白日佇的目睭前來遷徙;閣著對你的所在當的目睭前遷徙到別位;雖莽是悖逆的家,豈採對按呢會想。
12:4 你著當頭白日佇的目睭前帶你的物出去,親像帶受遷徙應用的物一樣。到下昏(ê-hng),你著佇的目睭前家己出去,親像受掠的人出去一樣。
12:5 你著佇的面前對牆壁挖孔,對彼孔帶物出去。
12:6 到日暗,你著佇的目睭前背佇肩頭出去,亦著罩你的面到無看見地,因為我用你做以色列家的兆頭。」
12:7 我就照所吩咐的去行,當頭白日帶我的物件出去,親像帶受遷徙應用的物件。日欲暗,我用手對牆挖孔。日已經暗,就當的目睭前背佇肩頭帶出去。
12:8 隔早起,耶和華的話臨到我講:
12:9 「人子啊,以色列家,就是悖逆的家,豈呣曾問你講:『你做甚麼啊?』
12:10

你著應講:『主耶和華按呢講:此個啟示關係耶路撒冷的君王以及in色列的全家。』

12:11

你著講:『我做恁的兆頭:我怎樣行,所抵著的也欲按呢,欲受掠受遷徙(sóa)。』

12:12 中間的君王也欲佇日暗的時,背物佇肩頭帶出去。欲對牆挖孔,對彼孔帶物出去。伊欲蓋伊的面,因為目睭無看見地。
12:13 我欲張我的羅網佇伊的頂面,伊欲互我的活罩罩著。我欲帶伊到巴比倫迦勒底人的地;伊雖然死佇遐,也看見彼個地。
12:14 周圍一切保護伊的及伊所有的軍隊,我欲四散in佇四方,也欲拔刀追趇
12:15 我分散佇列邦、四散佇列國的時,就知我是耶和華。
12:16 總是我欲留幾若人脫離刀劍、飢荒、瘟疫,互佇所到的逐國中,講起可惡的事,就知我是耶和華。」
12:17 耶和華的話閣臨到講:
12:18 「人子啊,你著愕愕惙來食你的餅,著驚惶撙節來飲你的水。
12:19 你著對此個地方的百姓講:主耶和華論耶路撒冷以色列地徛起的百姓按呢講,食餅著撙節,飲水著卬愕。因為中間徛起的眾人所行強暴的事,此個地欲荒廢,失落伊所有的。
12:20 有人徛起的城欲拋荒,地也欲荒廢;恁就知我是耶和華。」
12:21 耶和華的話閣臨到我講:
12:22 「人子啊,佇恁以色列地怎樣有此號俗語,講『時日延延,異象攏無應驗』啊?
12:23 所以你著給講:『主耶和華按呢講:我欲互此個俗語息,以色列中無閣用此個做俗語。』總是你著給in講:『時日近啦,逐個異象的應驗也是按呢。』
12:24 以後,佇以色列家的中間的確無閣有虛假的異象,順人意的卜卦。
12:25 因為我──就是耶和華,我欲講,閣我所講的話欲應驗,無閣延延。恁此個悖逆的家啊,我欲佇恁活的日來講,來成伊。這是主耶和華講的。」
12:26 耶和華的話閣臨到我講:
12:27 「人子啊,看啊,以色列家的人講:『伊所看見的異象是屬佇多多日後的事,所講的讖語是指極遠的時期。』
12:28 所以你著對講:『主耶和華按呢講:我的話無一句有閣延延,我所講的話,的確成伊。這是主耶和華講的。』」