以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

16:1 「耶和華的話閣臨到我講:
16:2 「人子啊,你著互耶路撒冷知伊許個可惡的事,
16:3 講主耶和華對耶路撒冷按呢講:你的本源,你的出世,是佇迦南地;亞摩利人是你的老父,你的老母是(hek)人。
16:4 論到你出世的景況,當你出世的日無給你轉臍,也無用水給你洗,互你清氣,攏無給你摻鹽,亦無用布給你包。
16:5 「無人看顧你,給你做諸個事,憐憫你;你出世的日佇田野,是因為你互人厭惡。
16:6 「我對你遐過,看見你翱佇你的血內,就對你講:你雖然佇你的血中,猶久通活;我實在對你講:你雖然佇你的血中,猶久通活。
16:7 我互你長成親像田裡所發生的,閣你漸漸成做大人,面貌清秀,奶肨(phòng),頭毛長,總是你猶原赤身露體。
16:8 「「我對你遐過,看見你,看啊,彼時是你興起愛情的時,我就用衫仔裾蓋(khàm)你,遮你的褪裼裼(thng-thǹh-theh);閣對你咒誓,及你結約,你就屬佇我。這是主耶和華講的。
16:9 彼時我用水洗你,洗清氣你身體的血,閣用油抹你。
16:10 我互你穿綉(siù)花的衫,亦互你穿海狗皮的鞋,亦用幼苧布互你縖腰,閣用綢緞做衫互你(moa),
16:11 我用妝飾的物妝飾你,用手環掛佇你的手,用金鍊仔掛佇你的頷頸。
16:12 我亦用環靠佇你的鼻,用耳鈎掛佇你的耳仔,用媠的帽戴佇你的頭殼。
16:13 按呢,你就有金銀的妝飾,所穿的是幼苧布及綢緞,及綉花的衫;所食的是幼幼的麵、芳(phang)的蜜,及油。你亦極其媠,發達到王后的尊貴。
16:14 你媠的名聲傳佇列國中,是對你的媠完全,因為我有用我的榮光互你。這是主耶和華講的。
16:15 「獨獨你倚靠家己的媠,閣因為你的名聲就行淫亂。你放縱淫慾,互過路人出在伊的意思來行。
16:16 閣用你的衫妝飾高的所在,五色攏齊備,佇彼頂面行淫亂。此號事無欲來,亦無閣有。
16:17 你亦取我所互你金銀、媠的寶器為著家己做人的像,及伊行淫;
16:18 閣用你綉花的衫給伊媠,亦用我的膏油我的香料(hiuⁿ-liāu)排佇伊的面前;
16:19 閣我所賞賜你的食物,幼麵、及油,及蜜,我所用來養飼你的,你就用伊排佇的面前來做芳味,實在有按呢。這是主耶和華講的。
16:20 閣你用你的子、你的查某子就是你所給我生者來獻互食。你行諸個淫亂豈是小可事?
16:21 你竟然閣刣死我諸個子來交付伊,互經過火來歸佇伊?
16:22 你行諸個一切可惡及淫亂的事,攏無想著你細漢赤身露體翱佇你血中的日。」
16:23 「(主耶和華講:你有災禍啊!有災禍啊!)
16:24 你行這一切歹代以後,閣為家己起花樓,佇逐條街路起高台。
16:25 你佇一切街路口起高台,互你的媠變做可惡者,閣及一切過路者多多行淫亂。
16:26 你亦及你隔壁國放縱情慾的埃及人行淫,加添你的淫亂,惹我受氣。
16:27 看啊,我伸出我的手攻擊你,減少你應用的物,閣將你交互怨恨你的非利士許個查某囝仔,互出在意思款待你。看見你行歹,來見誚。
16:28 你因為好色不知足,閣及亞述人行淫,及行淫了後,猶原無滿意,
16:29 你閣佇迦南地到迦勒底,行多多淫亂,猶久無滿意。
16:30 主耶和華講:你行這一切的事,是霸性淫婦的所行,可見你的心是偌軟弱!
16:31 因為你佇一切街路口起花樓,佇逐條街路起高台,因為你無親像別個娼妓,呣揲錢。
16:32 哇!你此個行淫的某啊,欲揲別人,來替丈夫。
16:33 人是用物送娼妓,你反轉用物送你相好的人,請對四圍來及你行淫。
16:34 你的行淫及別個婦仁人對反,因為呣是人尋你行淫;是你用物送人,呣是人送你;所以你及別個婦仁人對反。」
16:35 「因為按呢,你此個娼妓啊,著聽耶和華的話。
16:36 主耶和華按呢講:因為你傾出你的污穢,你及你所相好者褪裼裼行淫,閣因為你所拜一切可惡的偶像,閣為著所流你諸個子的血,就是你所獻互者,
16:37 看啊,因為按呢,我欲聚集你一切相好者就是你曾及伊宴樂者,及你一切所疼者,你一切所怨恨者,我欲對四圍聚集來攻擊你;亦欲對露出你的褪裼,互看你的褪裼。
16:38 我亦欲審判你,親像審判行淫及刣人的婦仁人一樣。我欲用大受氣妒忌,互你流血。
16:39 我閣欲將你交佇的手;欲拆毀你的花樓,毀壞你的高台,褪你的衫,搶你媠的寶器,留你赤身露體。
16:40 也欲導多多人起來攻擊你,用石頭擲死你,用刀劍鑿透你,
16:41 用火燒你的厝宅,佇多多婦仁人的面前審判你。我的確互你無閣行淫,亦無閣送人物。
16:42 按呢,我向你的大受氣欲息,我的妒忌亦欲離開你,我欲安靜無閣受氣。
16:43 因為你記得你細漢的日,佇這一切的事來激我,所以我欲照你所行的報應佇你的頭殼頂,互你無閣行淫,加添佇你一切可惡的事。這是主耶和華講的。」
16:44 「看啊,見若講俗語者欲用俗語挑剔你,講:『老母按呢,查某子也是按呢。』
16:45 你真正是恁老母的查某子,厭賤伊的丈夫及子兒;你真正是恁姊妹的姊妹,厭賤的丈夫及子兒。恁老母是人,恁老父是亞摩利人。
16:46 你的大姊是撒瑪利亞,伊及伊的眾查某子踮佇你的倒旁;你的小妹是所多瑪,伊及伊的眾查某子踮佇你的正旁。
16:47 你無學的所行,亦無照可惡的事去做,你掠做小可事,你一切所行的比卡臭。
16:48 主耶和華講:我指我的永活來咒誓,你的小妹所多瑪及伊眾查某子未有行你及你眾查某子所行的事。
16:49 看啊,你的小妹所多瑪的罪是此款:伊及伊的眾查某子心志驕傲,米糧飽足,享受安逸,攏無扶助困苦及喪鄉人的手。
16:50 自高,佇我的面前行可惡的事,我看了就將除去。
16:51 撒瑪利亞所犯的罪無你的一半,你加添可惡的事比卡多,閣對你所行一切可惡的事,互你的姊妹顯明是義。
16:52 你既然斷定你的姊妹做義,就著擔當你家己的凌辱;因為你所犯的罪比卡可惡,就比你卡義;你已經互你的姊妹顯明是義,你就著見誚擔當家己的凌辱。」
16:53 「我欲互受掠的倒轉來,就是互所多瑪及伊的眾查某子受掠的,撒瑪利亞及伊的眾查某子受掠者,以及中間恁受掠者,攏倒轉來,
16:54 通互你擔當家己的凌辱,閣對你一切所行互得著安慰的,來見誚。
16:55 你的姊妹所多瑪及伊的眾查某子欲倒來原位;撒瑪利亞及伊的眾查某子,欲倒來原位;你及你的眾查某子,亦欲倒來原位。
16:56 當你驕傲的日,你的嘴無講起你的小妹所多瑪
16:57 彼時你的歹猶未發現,亞蘭諸個查某子連伊四圍的人猶未凌辱你;非利士諸個查某子平素佇四圍藐視你者,伊也未有凌辱你。
16:58 耶和華講:你好淫及可惡的事,你已經擔當啦。」
16:59 「因為主耶和華按呢講:你背約看輕咒誓,我欲照你所行來款待你。
16:60 總是我欲追念我佇你少年的時及你所立的約,亦欲及你設立永遠的約。
16:61 當你接納你的姊妹就是你的大姊及你的小妹的時,你欲記得你所行的來見誚;我亦欲將in互你做查某子,獨獨呣是對你的約。
16:62 我欲及你設立我的約(你就知我是耶和華),
16:63 到我赦免你一切所做的時,你記得就見誚,閣因為你的凌辱,就無閣開嘴。這是主耶和華講的。」