以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

18:1 耶和華的話閣臨到我講:、
18:2 「恁佇以色列地啥事用此個俗語講『老父食酸的葡萄,子的嘴齒酸軟』?
18:3 主耶和華講:「我指我的永活咒誓講,恁佇以色列中,無因由通閣用此個俗語。
18:4 看啊,攏總的神魂是屬佇我;親像老父的神魂屬佇我,子的神魂也是按呢;犯罪的神魂,伊欲死。
18:5 「人若公義,行公平及義理:
18:6 未曾上山頂食祭物,未曾仰望以色列家的偶像,未曾拍垃墋厝邊的某,未曾親近經期內的婦仁人,
18:7 未曾虧負人,是將欠債的人的當頭還伊;未曾強搶人的物,是用食物互枵的人食,用衣裳互褪裼的人穿;
18:8 未曾給借錢的人討利息,也無提利錢,勼手無做歹,佇兩旁的人的中間,照公道判決;
18:9 順趁我的律例,執守我的法度,照誠實行代誌──這是義人,的確得著活。這是主耶和華講的。
18:10 「設使伊生一個子,做強盜,做刣人的,抑是行許個歹的一項,無行頂面所講的好,反轉上山頂食祭物,閣拍垃墋厝邊的某,
18:11 (見結18:10)。
18:12 虧負困苦及喪鄉的人,強搶人的物,未曾用當頭還人,仰望偶像,行可惡的事,
18:13 給借錢的人討利息,提利錢;此個人豈會活嗎?伊的確活。伊行許個一切可惡的事,的確著死,伊的罪欲歸佇伊。
18:14 「看啊,設使伊生一個子,看見老父所行一切的罪就驚惶,無按呢去行;
18:15 未曾上山食祭物,未曾仰望以色列家的偶像,未曾拍垃墋厝邊的某,
18:16 未曾虧負人,未曾提人的當頭,未曾強搶人的物,是用食物互枵的人食,用衣裳互褪裼的人穿,
18:17 勼手(kiu-chhiú)無害喪鄉人,無討利錢,無提利息;伊順趁我的法度,執守我的律例,伊就無因為老父的罪過來死無,的確會活。
18:18 論到伊的老父;因為伊欺負人真傷重,強搶兄弟,佇本族中行呣好,看啊,伊欲因為家己的罪來死。
18:19 「恁猶啲講:『子怎樣無擔當老父的罪?』子若行正直及合理的事,守我一切的律例來行伊,伊的確會活。
18:20 犯罪的神魂,伊欲死。子的確無擔當老父的罪,老父也無擔當子的罪。義人的義欲歸佇伊家己,歹人的歹也欲歸佇伊家己。
18:21 「歹人若回頭離開所做一切的罪惡,執守我一切的律例,行正直及合理的事,伊的確會活,死。
18:22 伊所犯一切的罪過無閣給伊記得,佇所行的義,伊欲活。
18:23 主耶和華講:歹人死無,豈是我所歡喜嗎?我豈呣是歡喜伊回頭離開伊所行的路,來得著活嗎?
18:24 總是義人若越頭離開伊的義來犯罪,照歹人所行一切可惡的事來行,伊豈會活嗎?伊所行一切的義,攏無閣受記念;伊欲佇所犯的罪,所行的歹死佇彼中間。
18:25 「恁猶啲講:『主的路無公平!』以色列家啊,恁著聽,我的路豈無公平嗎?豈呣是恁的路無公平嗎?
18:26 義人若越頭離開伊的義來行罪惡,致到為著按呢來死,伊就因為所行的罪惡來死。
18:27 閣歹人若回頭離開伊所行的歹,來行正直及合理的事,伊欲互伊的神魂得著活。
18:28 因為伊有想,回頭離開伊所犯一切的罪過,伊的確活無死。
18:29 以色列家猶啲講:『主的路無公平!』以色列家啊,我的路豈無公平嗎?豈呣是恁的路無公平嗎?」
18:30 所以主耶和華講:「以色列家啊,我欲照恁逐人所行的審判恁。恁著回頭,離開所犯一切的罪過。按呢,罪過會互恁敗無。
18:31 恁著將所犯一切的罪過擲離開恁,為家己成一個新的心及新的神。以色列家啊,恁乜使(mih-sái)著死?
18:32 主耶和華講:人的死我無歡喜伊的死,所以恁著回頭來得著活。」


回聖經目錄