以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

25:1 耶和華的話臨到我講:
25:2 「人子啊,你著面向亞捫族宣傳,攻擊
25:3 講:恁著聽主耶和華的話。主耶和華按呢講:我的聖所受拍垃墋,以色列地抵著拋荒,猶大家互人掠;彼時,你因為諸個事用話攻擊講:『呼哉!』
25:4 看啊,所以我欲將你交互東方的人做業;欲佇你的所在紮營徛起,食你的果子,飲你的奶。
25:5 我欲互拉巴做駱駝的(tiâu),互亞捫族的地做羊群倒的所在,恁就知我是耶和華。
25:6 主耶和華按呢講:「因為你搭手頓腳,滿心藐視,向以色列地歡喜,
25:7 看啊,所以我伸我的手攻擊你,將你交互列國搶去。我欲對列邦中剪除你,互你佇萬國中敗無。我欲除滅你,你就知我是耶和華。」
25:8 主耶和華按呢講:「因為摩押西珥有啲講:『看啊,猶大家及眾國無各樣』,
25:9 看啊,因為按呢我欲開摩押的邊界對諸個城,對伊邊界諸個城做伊本國的榮光的,就是伯耶西末巴力免基列亭
25:10 互伊及亞捫族攏交佇東方的百姓做業,互亞門族無閣受記念佇列邦中。
25:11 我也欲審判摩押就知我是耶和華。」
25:12 主耶和華按呢講:「因為以東的所行,就是攻擊猶大家來報讎,對in的報讎,來犯重罪,
25:13

所以主耶和華按呢講:我欲伸我的手攻擊以東,剪除遐的人及精牲,互伊拋荒對提幔到底但,人攏死佇刀下。

25:14 閣我欲用我的百姓以色列的手來報我的仇讎佇以東欲照我的受氣,照我的大受氣來行佇以東,就欲知我的報讎。這是主耶和華講的。」
25:15 主耶和華按呢講:「因為非利士人行報讎,存心藐視來報讎,結死怨,欲剿滅
25:16 所以主耶和華按呢講:看啊,我欲伸我的手攻擊非利士人,我欲剪除基提人,滅無沿海所剩的百姓。
25:17 我欲用大受氣的責罰,對行大的報讎。我對報讎的時,就知我是耶和華。」


回聖經目錄