以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

26:1 第十一年月的初一,耶和華的話臨到我講:
26:2 「人子啊,因為推羅向耶路撒冷講:『呼哉!彼個做列邦的門的已經破,今歸向我;伊已經拋荒,我欲豐盛。』
26:3 所以,主耶和華按呢講:推羅啊,看啊,我及你做對敵,我亦欲互多多國起來攻擊你,親像海互伊的湧夯起來(giâ)一樣。
26:4 欲毀壞推羅的城牆,拆伊的守更樓。我亦欲敲伊的土粉,互伊成做光裸裸的石磐。
26:5 伊欲佇海中做曝網的所在,亦欲成做列國所搶的物。因為我有講伊。這是主耶和華講的。
26:6 屬佇推羅許個城的百姓欲互刀劍刣死,就知我是耶和華。」
26:7 因為主耶和華按呢講:「看啊,我欲互列王的王就是巴比倫尼布甲尼撒對北方導馬、車、馬兵、軍隊,及多多百姓來攻擊推羅
26:8 伊欲用刀劍刣死屬佇你許個城的百姓,亦欲紮營攻擊你,起土堆攻擊你,捾盾(kōaⁿ-tín)攻擊你。
26:9 伊欲安設摃城的錘,攻破你的城牆,用斧頭拆毀你的守更樓。
26:10 因為伊的馬真多,土粉遮蓋你。伊入你的城門,親像人入有破隙的城。彼時,因為騎馬者及運糧車、戰車的聲,你的城欲振動。
26:11 伊的馬蹄欲睭踏你一切的街路,伊欲用刀刣死你的百姓;你堅固的柱欲倒佇土腳。
26:12

伊欲搶你的財寶,及你的貨物,毀你的城牆,拆你媠的厝,閣將你諸個石、諸個柴、諸個土攏佇水中。

26:13 我欲互你唱歌的聲攏息,你彈琴的聲無閣聽見。
26:14 我欲互你成做光裸裸的石磐,做曝網的所在;你無閣受起造,因為我耶和華講伊,這是耶和華講的。」
26:15 主耶和華對推羅按呢講:「佇你中間有大大刣人的事,受傷的人唉唉孱的時,因為你倒壞的聲,海嶼豈無攏振動嗎?
26:16 彼時海邊許個君王欲對伊的王位落來,除去伊的禮服,褪去媠衫,穿愕愕惙,坐佇土腳,時時刻刻啲抖(tiō),為著你卬愕。
26:17  欲為你做哀歌對你講:你此個有名聲的城,平素是行船的人所徛起,佇海面做堅固的;平日伊及徛起的百姓,互一切踮佇遐的人無呣驚惶;今怎樣滅無啊!
26:18 今佇你此個倒壞的日,眾海嶼欲愕愕惙;海中諸個海嶼看見你無去,就攏驚惶。」
26:19 因為主耶和華按呢講:「我互你做拋荒的城,親像互許個無人徛起的城;閣互深淵過你,大水蓋密你。
26:20 彼時,我互你及許個落陰府者,相及落去到古早人遐,互你踮佇地下深的所在,對古早拋荒的所在,及許個落陰府的人佇啲,無閣有人徛起佇遐。佇活人的地無閣有榮光。
26:21 我欲互你做通驚者,無閣留佇世間;雖然人尋你,亦永永尋著。這是主耶和華講的。」


回聖經目錄