以 西 結 書

27:1	耶和華的話閣臨到我講：
27:2	「人子啊，著為推羅做哀歌，
27:3	給推羅講：你徛起海口，及列國眾海嶼買賣做生理。主耶和華按呢講：推羅啊，你曾講：我是完全媠者。
27:4	你的境界佇海中，起造你的互你的媠完全。
27:5	用示尼珥的松樹做你一切的板，用黎巴嫩的柏香樹做你的船桅(chûn-ûi)，
27:6	用巴珊的橡樹做你的槳，用基提海嶼的黃楊柴入象牙做你坐的板。
27:7	用埃及綉花的幼苧布做你的篷，做你的旗；用以利沙海嶼藍色、紫色的布做你的涼棚。
27:8	西頓及亞發徛起的百姓做你的划槳者(hòa-chiúⁿ-ê)。你中間的人做你的按舵者(hōaⁿ-tōa-ê)。
27:9	迦巴勒老練者及的人，攏佇恁中間做補船孔者；一切過海的船隻及的水手攏佇你中間經營生理的事。
27:10	「波斯、路德、弗的人佇你軍營中做戰士；佇你的中間掛盾牌及頭盔，顯明你的媠。
27:11	亞發人及你的軍隊攏佇你四圍的牆頂，你的守更樓亦有勇士；掛的盾牌佇你四圍的牆壁，成全你的媠。
27:12	「他施人因為逐樣的財物充足，就做你的客商，帶銀、鐵、錫、鉛，來換你的貨物。
27:13	雅完人、土巴人、米設人，攏及你交關；用人口及銅器來換你的貨物。
27:14	陀迦瑪族用馬及戰馬及騾來換你的貨物。
27:15	底但人及你交關，多多海嶼做你的下盤生理；帶象牙、黑木柴及你交換。
27:16	亞蘭人因為你的製造充足，就做你的客商；用綠寶石、紫色的布、綉花的物、幼苧布、珊瑚，紅寶石來換你的貨物。
27:17	猶大及以色列地的人攏及你交關；用米匿(bi-le̍k)的麥、餅、蜜、油、乳香來換你的貨物。
27:18	大馬色人因為你的製造充足，閣因為逐樣的財物充足，就帶黑本(hek-pún)的酒及白羊毛及你交關。
27:19	威但人及雅完人帶線及光的鐵、肉桂、菖浦，佇你的街市換你的貨物。
27:20	底但人用媠的馬鞍墊及你交關。
27:21	亞拉伯人及基達一切的領袖攏做你的下盤生理，用羊羔、公的綿羊、山羊及你交關。
27:22	示巴及拉瑪的生理人及你交關，用逐類上好的香料、逐類的寶石，及黃金來換你的貨物。
27:23	哈蘭、干尼、伊甸人、示巴的生理人、亞述人、基抹人及你交關。
27:24	諸個生理人用真好的貨物，藍色綉花的布裝歸包，閣有媠的衣服裝佇柏香柴的箱仔內，用索縛伊及你交關。
27:25	他施的船隻鬪(tàu)歸幫，給你載貨，你就佇海中富有，極其榮光。
27:26	你的划槳的已經划你到大水的所在，東風佇海中給你摃破。
27:27	你的錢財、你的物件、你的貨品、你的水手、你的按舵者、你的塞船孔者、你的經營生理者，以及你中間的戰士及你中間的眾人，佇你敗壞的日攏欲沈佇海中。
27:28	你按舵者喉叫的聲一下喝，郊野攏欲振動。
27:29	見若划槳者及水手，及一切過海按舵者，攏欲離開船上岸。
27:30	欲為你開聲大哭，摻(sám)土粉佇頭殼，翱(kō)佇火灰中；
27:31	閣為著你來剃光頭，用麻布縖腰，痛心啼哭，極其悲哀。
27:32	哀傷的時，為著你做哀歌啼哭你，講：有甚麼城親像推羅？親像伊佇海中成做靜淒淒的啊？
27:33	你的貨物對海面上山，就互多多百姓充足；你用多多錢財、貨物，互地上的君王好額。
27:34	你佇深水中互海湧撞(lòng)破的時，你的貨物及你中間一切的眾人，就攏沈落去。
27:35	海嶼徛起的百姓為著你卬愕；的君王攏真驚，面帶憂容。
27:36	列國的生理人攏欲出譏刺的聲；你互人通驚；你無通閣佇啲直到永遠。」