以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

3:1 伊就對我講:「人子啊,著食你所得著的,著食彼卷冊,也著去對以色列家講話。」
3:2 對按呢我開嘴,伊就互我食彼卷,
3:3 閣對我講:「人子啊,將此卷我所互你的,著食佇你的腹肚,充滿你的腸。」我就食伊,嘴內知伊的甜親像蜜。
3:4 伊對我講:「人子啊,起來就近以色列的家,也用我的話給講。
3:5 因為你奉差呣是去彼個講話深奧、言語得(oh-tit)聽的百姓遐,就是去以色列家;
3:6 呣是去許個講話深奧,言語得聽的多多國,的話你曉得聽。
3:7 我若差你去遐,的確聽你;總是以色列家呣肯聽你,因為呣肯聽我;因為以色列全家是頭額(tēng)心硬的人。
3:8 看啊,我互你的面硬,抵敵的面,互你的頭額(tēng),抵敵的頭額。
3:9 我互你的頭額親像鑽石,比火石卡(tēng)。雖然是悖逆的家,你莫得驚,也莫得因為的面貌來驚惶。」
3:10 伊閣對我講:「人子啊,我對你所講一切的話,你著用心承受,用耳孔聽。
3:11 你著去就近本國受掠的百姓遐,豈採聽,豈採呣聽,你著對講話,給講,這是主耶和華按呢講。」
3:12 彼時,神舉起(kú-khí)我,我就聽見佇我的尻脊後有大振動呼呼哮的聲,講:「耶和華的榮光對伊的所在顯出,應該得著謳咾!」
3:13 我也聽見許個活物的翅相磕著的聲,及i身邊輪的聲,就是大振動呼呼哮的聲。
3:14 對按呢神舉起我,帶我去。我去真艱苦,心神激烈,耶和華的手佇我身上真有力。
3:15 我就到提勒亞畢迦巴魯河邊受掠的人彼位,到所徛起的所在,佇中間坐七日久,遐真卬愕。
3:16 過七日,耶和華的話臨到我講:
3:17 「人子啊,我設立你做以色列家守望的人,所以你著聽我的嘴所講的,替我警戒
3:18 我對歹人講:你的確會死;若你無警戒伊,無用話警戒歹人,互伊離開伊的歹路,來救伊的生命,就彼個歹人欲死佇伊的罪;總是我欲對你的手討伊的生命。
3:19 設使你警戒歹人,也伊無越轉離開伊的歹所行及伊的歹路,就伊欲死佇伊的罪,總是你有救你家己的生命。
3:20 閣設使有義人越轉離開伊的義來犯罪,我也下塞礙佇伊的面前,就伊欲死;因為你無警戒伊,就伊欲死佇伊的罪,閣伊所有行的義無閣得著紀念;總是我欲對你的手討伊的生命
3:21 總是你若警戒義人,互義人無犯罪,伊若真正無犯罪,就的確得著活;因為伊有受警戒,你亦救家己的生命。」
3:22 耶和華的手佇遐下佇我的身上。伊對我講:「你起來去平洋,我欲佇遐及你講話。」
3:23 對按呢,我起來出去到平洋,看啊,耶和華的榮光徛佇遐,親像我佇迦巴魯河邊所看見的榮光一樣,我就仆佇地裡。
3:24 神就入我的內面,互我徛起來。伊及我講話,對我講:「去啊,你著家己關佇厝內。
3:25 人子啊,人欲用索下佇你的身軀給你捆縛,致到你出去來行佇中間。
3:26 我欲互你的舌粘佇你的上(chiūⁿ-kiuⁿ),致到你啞口,會做責備的人;因為是悖逆的家。
3:27 獨獨到我及你講話的時,我欲開你的嘴,你就對講:『主耶和華按呢講。』愛聽者聽,呣聽者據伊呣聽,因為是悖逆的家。」