以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

32:1 十二年十二月初一,耶和華的話臨到我講:
32:2 「人子啊,你著為埃及王法老做哀歌,給伊講:從前你佇列國中,親像勇的獅;今你是親像海中的鱷魚。你(chông)出你的江河,用腳振動諸個水,致到江河的水變濁。
32:3 主耶和華按呢講:我欲用多多國的百姓,將我的網拋佇你的頂面,欲用我的網,給你拖出來。
32:4 我欲你佇地裡,放下佇田野,互空中的飛鳥攏歇佇你的頂面,互遍地的野獸食你到飽。
32:5 我欲將你的肉佇山裡,用你高大的身屍填滿山谷。
32:6 我閣欲用你的血灌沃你所泅的地,淹到諸個山;河溝欲對你來充滿。
32:7 我拍滅你的時,欲遮蓋諸個天,互眾星黑暗,用密雲遮掩日頭,月亦無發出光。
32:8 我欲互天的光佇你的頂面攏黑暗,閣互你的地黑暗。這是主耶和華講的。
32:9 「我互你敗無的風聲到你所呣識的逐國。彼時,我欲互多多百姓的心煩惱。
32:10 我佇的面前舞我的劍的時,我欲互多多國的百姓為著你卬愕,君王亦欲為著你大驚惶。佇你倒落去的日,逐人為家己的生命愕愕惙。」
32:11 因為主耶和華按呢講:「巴比倫王的刀欲臨到你。
32:12 我欲用勇士的刀互你的多多人倒落去;諸個勇士攏是列國中強暴者。欲互埃及的驕傲歸佇無;埃及的眾百姓欲受剿滅。
32:13 我欲對埃及多多水邊除滅所有的走獸;人的腳無閣拍濁此個水,獸的蹄亦無閣踏伊。
32:14 彼時,我欲互的水坐清,互的河流親像油。這是耶和華講的。
32:15 我互埃及地荒廢冷靜;此個地絕無從前所充滿的,閣我攻擊其中一切徛起的百姓。彼時,就知我是耶和華。
32:16 「此個是哀歌,人欲用此個來哀哭,列國諸個查某囝仔欲用按呢來哀哭,為著埃及及伊的眾百姓亦欲用此個來哀哭。這是主耶和華講的。」
32:17 十二年十二月十五,耶和華的話臨到我講:
32:18 「人子啊,你著因為埃及的眾人哀哭,閣著將埃及及有名聲的國諸個查某囝仔,及落坑的人,做一下落地下深的所在。
32:19 你的媠贏過是誰啊?你著落去及無受割禮的人相及倒啲!
32:20 欲倒佇互刀刣的人的中間。伊受交付佇刀劍,著將伊及伊的眾人拖去。
32:21 強猛的勇士欲佇陰間對伊及幫助伊者講話;是無受割禮受刀刣的人,已經落去,倒啲無振動。
32:22 亞述及伊的眾百姓攏佇遐,伊的墓佇伊的四圍;攏是受刣倒佇刀下者。
32:23 的墓佇坑中極深的所在。伊的眾百姓佇伊的墓的四周圍,攏是受刣倒佇刀下者;曾佇活人的地互人驚惶。
32:24 以攔亦佇遐,伊的眾百姓佇伊的墓的四圍,攏是受刣倒佇刀下,無受割禮落去地下深的所在的;曾佇活人的地互人驚惶,閣及落坑的人相及擔當凌辱。
32:25 給伊及伊的眾百姓佇受的人的中間安眠床。的墓佇伊的四周圍,攏是無受割禮受刀刣者;in活人的地互人驚惶,閣及落坑的人相及擔當凌辱。伊已經下佇受刣的人的中間。
32:26 米設、土巴,及伊的眾百姓攏佇遐。伊的墓攏佇伊的四圍,攏是無受割禮互刀刣者;曾佇活人的地互人驚惶。
32:27 得著及許個無受割禮倒啲的勇士相及倒啲;諸個勇士帶家私落陰間,頭殼睏佇刀劍,骨頭頂有的罪惡;曾佇活人的地互勇士驚惶。
32:28 「你欲敗壞佇無受割禮的人的中間,及許個受刀刣的人相及倒啲。
32:29 以東亦佇遐。伊許個國王及一切的首領雖然有勢力,猶原下佇受刣的人的中間;欲及無受割禮者以及落坑的人相及倒刣。
32:30 「佇遐有北方眾王的子及一切西頓人,攏及受刣的人落去。雖然有勢力互人驚惶,猶原受見誚。無受割禮,及受刀刣者相及倒啲,及落坑的人相及擔當凌辱。
32:31 「法老及伊的軍兵攏互刀刣死,法老看見,為著伊許個眾人就受安慰。這是主耶和華講的。
32:32 我互伊佇活人的地做通驚惶,法老及伊的眾人,欲及受刀刣的人相及下佇無受割禮的人的中間。這是主耶和華講的。」