以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

33:1 耶和華的話臨到我講:
33:2 「人子啊,你著對本國的百姓講話,給講:我互刀劍臨到一國的時,彼一國的百姓對中間揀一人設立伊做守望的。
33:3 伊看見刀劍臨到彼所在,若歕哨角警戒眾百姓,
33:4 見若聽見哨角的聲無受警戒者,刀劍若來剿滅伊,伊的罪欲歸佇伊的頭殼頂。
33:5 伊聽見哨角的聲,無受警戒,伊的罪欲歸佇伊本身;伊若受警戒,就會救家己的生命。
33:6 設使守望的人看見刀劍到,無歕哨角,致到百姓無受警戒,刀劍來刣死中間的一人,彼個人雖然死佇伊的罪,總是我欲對守望的人討伊失落生命的罪。
33:7 「人子啊,我按呢設立你做以色列家守望的人。所以你著聽我嘴內所講的話,替我警戒
33:8 我對歹人講:『歹人啊,你的確會死!』你若無開嘴警戒歹人,互伊離開所行的路,此個歹人欲死佇伊的罪,總是我欲對你討伊失落生命的罪。
33:9 設使你警戒歹人越轉離開所行的路,伊猶原呣越轉離開,伊欲死佇伊的罪,你就會救你的活命。」
33:10 「人子啊,你著對以色列家講:『恁常常按呢講:阮的過失阮的罪惡佇阮的身上,阮是因為按呢漸漸消無,豈可會活啊?』
33:11 你著對講,主耶和華講:我指我的永活來咒誓,我斷斷無歡喜歹人死無,獨獨歡喜歹人越轉離開所行的路來活。以色列家啊,恁著越倒轉,離開歹路,恁啥事欲取死啊?
33:12 人子啊,你著對你的百姓講:義人的義,佇伊犯罪的日會救伊;論到歹人的歹,佇伊越轉離開伊的歹所行的日,亦會互伊跋倒;義人佇犯罪的日也會因為伊的義來得著活。
33:13 我對義人講:『伊的確活!』伊若倚靠伊的義來行歹,就伊所行的義攏無得著紀念。伊欲因為所行的歹來死。
33:14 閣,我對歹人講:『你的確死!』伊若越轉離開伊的罪,行正直及合理的事:
33:15 閣還人的當頭及所搶人的物,遵趁活命的律例,無閣做歹,伊的確活,無致到死。
33:16 伊所犯一切的罪無閣給伊記得。伊行正直及合理的事,的確會活。
33:17 「你的百姓猶啲講:『主的路無公平。』其實是的路無公平。
33:18 義人越轉離開伊的義來行歹,就欲因為按呢來死。
33:19 歹人越轉離開伊的歹,行正直及合理的事,就欲因為按呢來活。
33:20 恁猶啲講:『主的路無公平。』以色列家啊,我欲照恁逐人所行的審判恁。」
33:21 阮受掠的了後十二年十月初五,有一人對耶路撒冷逃走到我遮,講:「城已經攻破。」
33:22 逃走的人猶未到前一日的下昏(ê-hng),耶和華的手下佇我的身上,開我的嘴。到隔早起,彼人來到我遮,我的嘴就開,無閣啞口。
33:23

耶和華的話臨到我講:

33:24 「人子啊,踮佇以色列荒廢的地的人啲講:『亞伯拉罕獨獨一人有得著此個地做業,咱人額真多,此個地是互咱做業的。』
33:25 所以你著給講,主耶和華按呢講:恁食猶有血的肉,閣抬起恁的目睭仰望恁的偶像,閣刣人流血,恁猶會得著此個地做業嗎?
33:26 恁倚靠恁的刀劍行可惡的事,人人拍垃墋厝邊的某,恁猶會得著此個地做業嗎?
33:27 你著對按呢講,主耶和華按呢講:我指我的永活來咒誓,佇拋荒的所在者,欲倒佇刀下;佇田野的中間者,我欲交互野獸吞食;佇衛所及洞內者,欲死佇瘟疫。
33:28 我欲互此個地冷靜,互人卬愕;伊因為勢力的驕傲也欲息。以色列諸個山攏欲冷靜,無人經過。
33:29 我因為所行一切可惡的事互地拋荒,致到人卬愕。彼時,就知我是耶和華。」
33:30 「人子啊,你的百姓佇厝邊,佇厝門口談論你。兄弟對兄弟相及講:『來啊!來聽,聽看耶和華的話是講甚麼。』
33:31  來你遮親像百姓來聚會,坐佇你的面前親像是我的百姓。聽你的話亦無去行;因為的嘴顯出多多親愛,總是心是啲趇錢。
33:32 看啊,看你親像作樂(ga̍k)、好聲音的人所唱的雅歌,聽你的話也無去行。
33:33 看啊,所講的話緊緊欲成;到成的時,就知曾有先知佇中間。」