以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

36:1 「人子啊,你著對以色列諸個山來宣傳講:以色列諸個山啊,著聽耶和華的話。
36:2 主耶和華按呢講:因為對敵攻擊你講:『呼哉!古早高的所在攏互阮做業啦!
36:3

所以你著宣傳講,主耶和華按呢講:因為互你拋荒,佇四圍吞咬你,欲互你歸佇所剩的外邦人做業,也互厚口舌的人議論你,互眾百姓誹謗你。

36:4 所以,以色列諸個山啊,著聽主耶和華的話。主耶和華對諸個山、諸個嶺、諸個坑溝、諸個山谷、諸個拋荒的所在,受棄拺的城,互四圍所剩的外邦人搶劫譏刺者,按呢講,
36:5 所以主耶和華按呢講:我實在佇熱熱的怨妒,用話責備列邦所剩者以及以東的全地。因為分派我的地做家己的業,滿心歡喜,神魂藐視,愛趕逐伊的百姓,來搶劫伊。
36:6 所以,你著論以色列地來宣傳,對伊諸個山、諸個嶺、諸個坑溝、諸個山谷講,主耶和華按呢講:看啊,我佇我的怨妒及我的大受氣來講,因為你已經受異邦人的凌辱,
36:7 所以主耶和華按呢講,我舉起我的手講:佇恁四圍的異邦人,實在欲受的凌辱。
36:8 「獨獨恁以色列諸個山啊,恁的確發出恁的枝椏(ki-oāiⁿ),閣欲結果子互我的百姓以色列,因為近近欲到啦。
36:9 看啊,我是為恁的,我欲越轉向恁,就恁欲互人種作。
36:10 我閣欲加添人佇恁的頂面,就是以色列家家戶戶一切攏按呢,就伊諸個城欲有人徛起,拋荒的所在得著起造。
36:11 我也欲加添人及精牲佇恁的頂面;欲生湠真多。我欲互恁照舊有人徛起,閣欲好款待恁贏過起頭的時,恁就知我是耶和華。
36:12 我欲互人行佇恁的頂面,就是我的百姓以色列欲得著你,你欲做的業;你也無閣互絕嗣(choa̍t-sû)。
36:13 主耶和華按呢講:因為人對恁講:『你是吞食人者,閣互百姓絕嗣』,
36:14 所以主耶和華按呢講:你無欲閣吞食人,亦無欲閣互你的國民絕嗣。
36:15 我無欲互你閣聽見外邦人的凌辱,你也無閣受萬百姓的誹謗,你也無閣互你的國民著觸。這是主耶和華講的。」
36:16 耶和華的話閣臨到我講:
36:17 「人子啊,以色列家徛起佇本所在的時,用的所行所做拍垃墋伊。的所行佇我的面前,是親像婦仁人經期到的垃墋。
36:18 因為佇彼個所在流人的血,閣因為用偶像拍垃墋伊,所以我傾出我的受氣佇伊的頂面。
36:19 我分散佇列國,就四散佇列邦中,我就照的所行,的所做來審判
36:20 去到所到的外邦人遐,褻瀆我的聖名;因為人指來講,這是耶和華的百姓,對伊的地出來者。
36:21 總是我保惜我的聖名,就是以色列家佇所到的列國中所褻瀆者。
36:22 「所以,你著對以色列家講,主耶和華按呢講:以色列家啊,我行此個,呣是為著恁的緣故,就是為著我的聖名的緣故,就是恁行到的列國中所褻瀆者。
36:23 我的大名受褻瀆佇異邦中;就是恁所褻瀆佇in中間者;我欲互伊做聖。閣我對恁顯明家己做聖,佇的目睭前,就異邦人欲知我是耶和華。這是主耶和華所講的。
36:24 我欲帶恁出列邦,對列國中聚集恁,導恁入恁的本所在。
36:25 我也欲用清的水灑恁,恁就清氣。我欲洗清恁,除去恁一切的垃墋,及恁一切的偶像。
36:26 我欲用新的心賞賜恁,也欲用新的神下佇恁的內面,閣欲對恁的肉體中除去親像石的心,賞賜恁親像肉的心。
36:27 我欲將我的神下佇恁的內面,互恁順趁我的律例,守我的法度來行伊。
36:28 恁欲徛起佇我所賞賜恁的列祖的地。恁欲做我的百姓,我欲做恁的上帝。
36:29 我欲救恁脫離恁一切的污穢,也欲叫五穀互伊豐盛,無互恁抵著飢荒。
36:30 我欲加添樹木的果子,以及田園的土產,互恁無閣因為飢荒受外邦人的凌辱。
36:31 彼時,恁欲記得恁的歹所行,及恁呣好的所做,就因為恁的罪過及可惡的事,佇家己的面前來厭賤家己。
36:32 主耶和華講:恁著知,我按呢行呣是為著恁的緣故。以色列家啊,恁著為家己的所行來漏氣見誚。
36:33 「主耶和華按呢講:我洗清恁,除去恁一切罪過的日,欲互恁的城有人徛起,拋荒的所在得著起造。
36:34 前過路的人看做荒廢的地,今此個荒廢的地閣有人種作。
36:35 人欲講:『前做荒廢的地,今親像伊甸的園;此個荒廢冷靜、毀壞的城今起真堅固,有人徛起。』
36:36 彼時,佇恁四圍所剩的外邦人欲知我─耶和華起造許個倒壞的所在,栽培荒廢的地。我─耶和華已經講伊,的確成伊。
36:37 「主耶和華按呢講:我欲互以色列家為著此個事求我,致到我給成。我欲加添的人額,親像羊群。
36:38 親像獻祭的羊群,就是親像耶路撒冷守節的時的羊群,按呢,諸個拋荒的城的確有歸群人滿滿。就知我是耶和華。」