以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

37:1 耶和華的手下佇我的身上。耶和華用伊的神導我出去,下我佇山谷中;彼個山谷有骨頭滿滿。
37:2 伊互我對骨頭的四圍經過,看啊,佇山谷的面上有骨頭真多,看啊,真枯焦。
37:3 伊對我講:「人子啊,諸個骨會活?」我應講:「主耶和華啊,你知伊。」
37:4 伊閣對我講:「你著對諸個骨宣傳來給講:恁枯焦的骨啊,著聽耶和華的話。
37:5 主耶和華給諸個骨按呢講:『看啊,我欲互活氣入恁的內面,恁就欲活。
37:6 我欲互恁的頂面有筋,閣互恁有肉,閣用皮給恁包,用活氣入佇恁,恁就會活;恁就知我是耶和華。』」
37:7 對按呢,我趁命令來宣傳。當我啲宣傳的時,有聲,忽然地動;諸個骨相連合,逐支歸伊的本位。
37:8 我看伊,看見骨的頂面有筋,也有肉,閣有皮包佇伊的頂面,總是內面無活氣。
37:9 伊就對我講:「你著向風來宣傳,人子啊,著宣傳來對風講,主耶和華按呢講:活氣啊,對許個風來,歕佇諸個受刣者,互會活。」
37:10 對按呢,我照伊所命令我的來宣傳,活氣就來入佇就活,起來徛,成做極大的軍隊。
37:11 伊就給我講:「人子啊,諸個骨就是以色列的全家。看啊,講:『阮的骨攏枯焦,阮的向望攏失落,阮一盡剿滅。』
37:12 所以你著宣傳來對講,主耶和華按呢講:『我的百姓啊,看啊,我欲開恁的墓,互恁對恁的墓起來,導恁入以色列地。
37:13 我的百姓啊,我開恁的墓,互恁對恁的墓起來,恁就知我是耶和華。
37:14 我欲將我的神下佇恁的內面,恁就欲活。我安置恁佇本所在,恁就知我─耶和華按呢講,也按呢成。這是耶和華講的。』」
37:15 耶和華的話閣臨到我講:
37:16 「人子啊,你著提一塊柴板,佇伊的頂面寫『為猶大及伊的同伴以色列族』;閣提一塊柴板,佇伊的頂面寫『為著約瑟以法蓮,及伊的同伴以色列全家』的柴板。
37:17 你著互相倚連做一塊柴板,就佇你的手中欲成做一塊。
37:18 設使你的百姓問你講:『你做此個甚麼意思?你呣指示阮嗎?』
37:19 你就著對in講:『主耶和華按呢講:看啊,我欲提以法蓮的手所攑約瑟的柴板,及伊的同伴以色列諸個支派,我欲下伊倚佇猶大的柴板,互伊成做一塊的柴板,就伊欲成做一塊佇我的手。』
37:20 你所寫彼二塊柴板,著佇的目睭前攑佇你的手。
37:21 你著對講,主耶和華按呢講:看啊,我欲取以色列族對所到的逐國出來,閣對四圍聚集,導倒來本所在。
37:22 我欲互佇彼個地,佇以色列的山合做一百姓,有一個王做眾人的王。無閣做二旁的百姓,也無閣分做二國;
37:23 也無閣因為偶像及可惡的物,以及一切的罪過拍垃墋本身。我欲救一切徛起的所在,就是犯罪遐;我欲清氣,按呢,欲做我的百姓,我欲做的上帝。
37:24 「我的奴僕大衛欲做的王;攏欲歸佇一個牧者。欲順趁我的法度,守我的律例來行。
37:25 欲徛起佇我賞賜我的奴僕雅各的地,就是恁的列祖所徛起的。的子孫,以及子子孫孫,攏永遠徛起佇遐。我的奴僕大衛欲做i的人君,直到永遠。
37:26 閣我欲及立平安的約,及做永遠的約。我也欲建設,互的人額加添,閣佇i的中間設立我的聖所,直到永遠。
37:27 我徛起的所在欲佇中間;我欲做的上帝,欲做我的百姓。
37:28 我的聖所佇中間直到永遠,外邦人就欲知我是耶和華,互以色列成做聖的。」