以 西 結 書

4:1	「人子啊，你著提一塊磚，下佇你的面前，為耶路撒冷城佇彼頂面，
4:2	閣圍困攻擊伊，起土堆攻擊伊，佇四圍安設大錘攻擊伊，
4:3	閣著提鐵板，下佇你及城的中間，準做鐵牆。你的面定定向伊，就城受圍困，你欲圍困伊；這通做兆頭佇以色列家。
4:4	「你著敧倒旁倒啲，擔當以色列家的罪；照你敧倒旁倒啲的日偌多，你擔當的罪也是按呢。
4:5	我將犯罪的年互你用日的數額來抵伊，就是三百九十日，你照按呢擔當以色列家的罪過。
4:6	你已經滿諸個日，著閣敧正旁倒啲，擔當猶大家的罪過。我給你限四十日，一日抵一年。
4:7	所以你的面著定定向受圍困的耶路撒冷，手骨露裼裼，宣傳來攻擊伊。
4:8	看啊，我欲用索下佇你的身上，致到你會翻過旁，到你圍困城的日滿。
4:9	「你著提小麥、大麥、豆仔、紅豆、黍仔、及粗麥，貯佇一個器具內，為著本身用伊來做餅；照你倒坦敧的日的數額，就是三百九十日你著食伊。
4:10	你所食的食物著照秤重，逐日食二十舍客勒，照時來食。
4:11	你飲水亦著照量，逐日一欣的六份一，照時來飲。
4:12	你食此個餅親像食大麥餅一樣，著用人所放的糞，煏(pek)伊佇眾人的目睭前。」
4:13	耶和華講：「以色列人佇我所趕到的列國中，亦的確按呢食無清氣的餅。」
4:14	我講：「唉啊！主耶和華啊，我平素未曾染著垃墋，對細漢到今未曾食家己死者，抑是互野獸拆裂者，彼個可惡的肉亦未曾入我的嘴。」
4:15	對按呢伊對我講：「看啊，我互你用牛屎來替人的糞，你著將你的餅煏(pek)佇彼頂面。」
4:16	伊閣對我講：「人子啊，看啊，我欲佇耶路撒冷斷絕in所倚靠的米糧。in食餅著照秤，撙節(chun-chat)來食；飲水亦著照量，卬愕來飲；
4:17	互欠缺餅及水，相及卬愕，閣佇的罪過來消滅。」