以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

43:1 後來,伊導我到一個門,就是向東的門。
43:2 看啊,以色列上帝的榮光對東勢來。伊的聲親像多多水的聲;地就因為伊的榮耀來發出光。
43:3 伊的款式是親像我所看見的款式,就是我前來欲滅城的時所看見的款式,彼個異象也親像我佇迦巴魯河邊所看見的異像,我就仆落地。
43:4 耶和華的榮光對向東的門入佇殿內。
43:5 對按呢神就舉起我,帶我入內院,看啊,耶和華的榮光充滿殿內。
43:6 我聽見有一位對殿內向我講話。有一人徛佇我的身邊。
43:7 伊對我講:「人子啊,這是我寶座的所在,是我腳掌所踏的地。我欲佇遮,踮佇以色列人的中間到永遠。以色列家及的君王無欲閣用的淫行,以及的君王的身屍佇高的所在來拍垃墋我的聖名,
43:8 的門椗(mn̂g-tēng)近倚我的門椗,的門豎近倚我的門豎;及我的中間不過隔一鑆牆;閣用in所行可惡的事,拍垃墋我的聖名,所以我受氣來滅
43:9 著對我的面前除去的淫行及君王的身屍離開遠遠,我就踮佇i中間到永遠。
43:10 「人子啊,你著將此個殿指示以色列家,互因為家己的罪過來見誚;也著量(niû)殿的規模。
43:11 若為著家己一切所行的事來見誚,你著指示此個殿的模、及伊的款式、伊出的所在、伊入的所在,及伊一切的規模,伊一切的禮儀、伊一切的規模、伊一切的法度,攏寫佇的目睭前,互守一切的規模,一切的禮儀來行伊。
43:12 殿的法度就是按呢:佇山頂四圍的界內攏做至聖。看啊,這就是殿的法度。」
43:13 以下是壇的量數,是用肘量伊(一個肘是一肘閣加一巴掌)。壇底一肘,闊一肘,四圍的墘有緣,高一巴掌,這就是壇的座。
43:14 對倚土腳的底座到下層的階,高二肘,闊一肘。對細階到大階,高四肘,闊一肘。
43:15 頂面的壇,有四肘。壇的頂面有凸四支角。
43:16 壇長十二肘,闊十二肘,款式四方。
43:17 四面的階長十四肘,闊十四肘。四圍的緣有半肘,伊的底座四圍一肘。伊的崎層向東。
43:18 伊對我講:「人子啊,主耶和華按呢講:起造祭壇,為著欲佇彼頂面獻燒祭灑血,到造成的時伊的例親像下底:
43:19 主耶和華講,你著將一隻公的牛仔做贖罪的祭,交互祭司利未人撒督的後裔,就是許個親近我、服事我的。
43:20 你著取牛仔的血,抹佇壇的四角及階仔的四角,及四圍的緣。按呢來互伊清氣,閣為著伊贖罪。
43:21 你也著將彼隻做贖罪祭的牛仔燒佇聖所的外面,厝內定著的所在。
43:22 第二日,著將無瑕疵的山羊牨(káng)獻做贖罪的祭;欲清氣彼個壇,親像曾用公的牛仔清氣伊一樣。
43:23 你已經清氣伊,著獻一隻無瑕疵公的牛及羊群中一隻無瑕疵公的綿羊,
43:24 你著將諸個物獻佇耶和華的面前。祭司著用鹽摻(sám)佇in頂面,獻互耶和華做燒祭。
43:25 七日內,每日你著備辦一隻公的山羊做贖罪的祭,也著備辦一隻公的牛仔及羊群中一隻公的綿羊,攏無瑕疵的。
43:26 歷過七日欲為壇贖罪,互伊清氣;按呢分別伊做聖。
43:27 許個日已經滿,對第八日以後,祭司欲佇壇頂獻恁的燒祭及平安的祭;我欲接納恁。這是主耶和華講的。」


回聖經目錄