以 西 結 書

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

6:1 耶和華的話臨到我講:
6:2 「人子啊,你著面向以色列諸個山來對伊宣傳,
6:3 講:以色列諸個山啊,著聽主耶和華的話。主耶和華對大山、小山、水溝、山谷按呢講:看啊,我,我欲用刀劍臨到恁,亦欲毀滅恁的山頭壇。
6:4 恁的祭壇的確荒廢,恁的日頭的柱欲抵著拍碎,我欲互恁受刣的人倒佇恁偶像的面前;
6:5 我亦欲將以色列族的身屍下佇的偶像的面前,將恁的骨頭四界佇恁的壇的四圍。
6:6 佇恁一切徛起的所在,城欲拋荒,山頭壇欲荒廢,互恁的祭壇拋荒荒廢,恁的偶像拍碎滅無。恁的日頭的柱欲剉落,恁的所做攏廢無。
6:7 受刣的人欲倒佇恁中間,就恁欲知我是耶和華。
6:8 「恁四散佇列國的時,我欲佇列邦中所剩的人互伊脫離刀劍。
6:9 恁中間得著脫離的人欲佇受掠去的列國中紀念我,因為我欲毀壞淫亂離開我的心,以及in戀愛偶像的目睭。欲為著所行的歹可惡的事,來家己怨恨。
6:10 欲知我是耶和華;我講欲降災禍互,呣是空空的話。
6:11 「主耶和華按呢講:你著拍手頓腳,講:慘啊!以色列家行這一切可惡的歹代,欲對刀劍、對飢荒、對瘟疫來死。
6:12 踮佇遠的人,欲對瘟疫來死;踮佇近的人,欲對刀劍來死;留啲受圍困的人,欲對飢荒來死;按呢我欲一盡成我的受氣佇
6:13 受刣的人倒佇祭壇四圍的偶像中,就是逐個高山、逐個山頂、逐個青樹的樹腳、逐個艷艷的橡樹腳,就是獻芳芳的祭祀互一切偶像的地方。彼時,恁就知我是耶和華。
6:14 我欲伸我的手攻擊,互徛起的所在拋荒冷靜,對曠野到第伯拉他,就知我是耶和華。」


回聖經目錄