以 斯 拉 記

1 2 3 4 5 6 7 8 9 10

6:1 對按呢大利烏王出令,人就去尋典冊的府庫就是佇巴比倫囥寶物的所在;
6:2 亞馬他瑪代省的宮內尋著一本,
6:3 彼內面記載講:「古列王元年,古列王出令論佇耶路撒冷上帝的殿講,著起此間殿做獻祭的所在,下伊的地基堅固。殿高六十肘,闊六十肘,
6:4 用大石三勻,新的柴一勻,經費著開王家的;
6:5 閣上帝殿內金銀的器具,就是尼布甲尼撒耶路撒冷的殿內提出來帶去巴比倫的,著閣還伊帶到耶路撒冷的殿,各照原位下佇上帝的殿。」
6:6 「今佇河外的總督達乃示他波斯乃,及恁的同伴,就是踮佇河外的亞法薩迦人,恁著離開
6:7 呣通阻止起上帝殿的工,出在猶大的總督及猶大的長老佇原位起上帝此間殿。
6:8 我閣降旨,恁著怎樣行佇猶大的長老幫助起此間上帝的殿,就是著對河外的餉稅中,抽出王的銀項,緊互許個人做經費,免得耽擱。
6:9 所著用的牛牨仔、綿羊牨、綿羊仔做燒祭獻互天頂的上帝,以及小麥、鹽、酒、油,攏照耶路撒冷的祭司所講的,逐日互伊,呣通失誤;
6:10 通互獻芳芳的祭祀互天頂的上帝,閣為王及王許個子的活命來祈禱。
6:11 我閣降旨(kàng-chí),若有人改換此個命令,就欲對伊的厝拆一支楹仔(îⁿ-á),來舉起彼人,吊伊佇彼頂面,互伊的厝為著按呢做廁池(chhè-tî)。
6:12 若有王及百姓起手改換此個命令,毀壞佇耶路撒冷此間上帝的殿,願安置伊的名佇遐的上帝滅無。我──大利烏出此個命令,著緊緊行伊。」
6:13 對按呢,河外的總督達乃示他波斯乃,及的同伴,因為大利烏王所出的令,就緊緊行伊。
6:14 猶大的長老因為先知哈該易多的孫撒迦利亞的先知話就起造,來亨通。遵趁以色列上帝的命令及古列大利烏,及波斯亞達設西的上諭(siōng-jū),起造完工。
6:15 大利烏王坐位第六年,亞達月初三日,此個殿就起好。
6:16 以色列人祭司及利未人,及其餘受掠倒來的人攏歡歡喜喜行奉獻上帝殿的禮。
6:17 行奉獻上帝殿的禮就獻牛牨(káng)一百隻,綿羊牨(káng)二百隻,綿羊仔四百隻,閣照以色列支派的數額獻山羊牨十二隻,為以色列眾人做贖罪祭;
6:18 就派祭司照伊的班列,利未人照伊的次序服事踮佇耶路撒冷的上帝,是照摩西的冊所記的。
6:19 正月十四日,受掠倒來的百姓守過節。
6:20 祭司及利未人相同清氣家己,攏清氣。閣為著受掠倒來的人及的兄弟許個祭司,也為家己刣過節的羊仔。
6:21 對受掠倒來的以色列人及家己分別離開此所在外邦人的污穢(ù-òe)、來歸倚、來尋耶和華──以色列的上帝的攏食伊,
6:22 歡歡喜喜守除酵節七日久;因為耶和華互歡喜,閣互亞述王的心越轉向,來堅固的手,做上帝殿的工就是以色列的上帝。


回聖經目錄