加 拉 太 書

1 2 3 4 5 6

5:1 基督解放咱做自由,所以恁著徛在,莫得閣掛著彼個做奴僕的軛(taⁿ)。
5:2 我──保羅給恁講,恁若受割禮,就基督無利益佇恁。
5:3 我閣再對逐個受割禮的人證明,伊著行齊全的律法親像欠債著還。
5:4 恁愛對律法稱做義的,是已經及基督絕斷,已經對恩典的位(lut)落去。
5:5 因為咱倚靠神,對信啲聽候所向望的義。
5:6 因為佇基督耶穌,受割禮抑無受割禮攏無功效,獨獨信對仁愛來行的才有功效。
5:7 恁前是(gâu)走,是誰阻擋恁,致到恁無趁真理啊?
5:8 彼號的苦勸呣是對召恁的出。
5:9 淡薄的酵(kàⁿ)會發歸甑(sñg)。
5:10 佇主深信恁不致有別樣的心志;獨獨攪擾恁的,無論是甚麼人,伊欲受擬罪。
5:11 兄弟啊,我若猶啲傳割禮,啥事猶久受窘逐啊?按呢,十字架的做塞礙已經廢無啊。
5:12 願許個拍亂恁的將家己割斷。
5:13 兄弟啊,恁受召是來得著自由,獨獨莫得用自由做肉體的機關,是著對仁愛相服事。
5:14 因為全律法包含佇一句,就是講「疼厝邊親像家己」。
5:15 設使恁相吞咬,驚了會相滅無,恁著謹慎。
5:16 今我講,恁著照神來行,就無成肉體的私慾。
5:17 因為肉體愛攻擊神,神愛攻擊肉體,二個相對敵,互恁無行所愛行的。
5:18 獨獨恁若互聖神所引導,就無佇律法下。
5:19 今肉體的品行有露現(lō-hiān),親像姦淫、污穢(ù-oè)、邪僻(siâ-phiah)、
5:20 拜偶像、邪術、結冤讎、相爭、怨恨、受氣、結黨、分旁、異端、
5:21 怨妒、酒醉、放蕩,以及親像此號的。我前曾代先講,今也代先給恁講,見若常常行按呢的將來無承接上帝的國。
5:22 若是聖神的果子,就是仁愛、歡喜、和平、
5:23 吞愞、慈悲、善良、忠信、溫柔、撙節(chún-chat)。親像此號無有律法禁伊。
5:24 閣屬基督耶穌的人,曾將肉體及伊的情,伊的慾釘佇十字架。
5:25 咱若照神來活,著照神來行。
5:26 莫得對重空空的榮光,相激氣,相怨妒。


回聖經目錄