創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

19:1 日暗,彼二個使者到所多瑪羅得坐佇所多瑪城門裡,羅得看見,就起來迎接(ngiâ -chih),鞠躬面向地,
19:2 講:「我的主啊,請越來奴僕的厝歇(hion)暝洗腳,明仔早起起來行恁的路。」講:「呣免!阮欲佇大街面過暝。」
19:3 羅得切切請 才越轉腳,越入伊的厝。羅得備辦筵席,煏無酵餅(bû-kàn-pián) 就食。
19:4  猶未去睏,城內的人就是所多瑪人,對少年到老,四面來圍伊的厝,
19:5 羅得講:「今暗到你遮(chia)的人佇叨落?互出來,照阮所愛做。」
19:6 羅得出去到門外眾人遐,就將門關啲,
19:7 講:「兄弟啊!請恁莫得做此號歹。
19:8 你看,我有二個查某子,猶是在室女,容允我導出來,出在恁所愛來行;獨獨此二人已經到我的厝,呣通對 做甚麼。」
19:9 眾人講:「你退去!」閣講:「此人寄居佇遮(chia),續欲管轄(koán-hat)阮嗎?今阮欲害你比害卡傷重。」就挨夾(oe-khoeh)羅得,進前欲攻破伊的門。
19:10 總是彼二人伸手,牽羅得入厝,將門關起,
19:11 閣互門外的人,對細到大,目睭煙暈(ian- ñg),攏看見;尋到倦(siän)尋無門。
19:12 彼二人對羅得講:「你佇遮猶有甚麼人?或是子婿或是子或是查某子,以及城內一切屬你的人,你著互攏出此所在。
19:13 因為阮欲剿滅(châu-biat)此個所在;是為著喝喊(hoah-hiàm)的聲佇耶和華的面前真大,耶和華差阮來,欲剿滅伊。」
19:14 羅得出去,對娶伊的查某子的子婿講:「恁起來離開遮,因為耶和華欲滅無此個城。」伊的子婿掠做伊是講笑。
19:15 使者催迫羅得講:「起來!導你的某以及你佇遮二個查某子去,驚了及此個城的罪惡相及受滅無。」
19:16 羅得延迁(iân-chhiân)彼二人因為耶和華憐憫羅得,就牽伊的手及伊的某的手,及伊二個查某子的手,將伊導出,安置佇城外;
19:17 出去了,講:「你著逃命,呣通越頭看,亦呣通住佇平洋。著走去山裡,驚了受滅無。」
19:18 羅得講:「我的主啊!呣通按呢!
19:19 你看,你的奴僕已經得著恩典佇你的面前;你亦對我顯出極大的仁慈,救我的性命。我會走到山裡,驚了此個災禍到佇我,我就死。
19:20 你看,此個城近近通逃走,也是細,請容允我逃閃佇遐,來保全我的活命。此個城豈呣是細個嗎?」
19:21 伊對伊講:「此個代誌我亦允准你;你所講的城我無欲捙(chhia)倒。
19:22 你著緊緊走去遐;因為你猶未到遐,我會做甚麼。」因為按呢彼個城名叫瑣珥
19:23 羅得瑣珥,日已經出。
19:24 彼時,耶和華將硫磺及火對天頂對耶和華遐,降落佇所多瑪蛾摩拉
19:25 將許個城以及全平洋,及城內所有的百姓,連地面上成長的,攏毀壞。
19:26 羅得的某佇後面一下越頭看,就變做一支鹽柱。
19:27 亞伯拉罕透早起來,到伊前日徛佇耶和華面前彼位,
19:28 所多瑪拉 蛾摩拉,及平洋的全地來看,看見彼所在火煙淐高,親像火爐的煙。
19:29 當上帝剿滅平洋諸個城的時,上帝數念亞伯拉罕,抵抵佇捙倒羅得所徛起的城的時,就教羅得對捙倒的中間出去。
19:30 羅得踮佇瑣珥驚惶,就及伊二個查某子對瑣珥上去,踮佇山裡;伊及二個查某子踮佇一個洞內。
19:31 大查某子對細查某子講:「咱的老父老啦,地上閣無人及咱做匹配來照人道。
19:32 來啦!通互老父飲酒,及伊相及睏。按呢,咱好通對伊留存後裔。
19:33 互老父飲酒,大查某子就入去及老父相及睏;伊甚麼時去睏,甚麼時起來,老父攏呣知。
19:34 隔日,大查某子給細查某子講:「我昨暝及老父相及睏。今暗咱閣互伊飲酒,你通入去及伊相及睏。按呢,咱好通對老父留存後裔。」
19:35 彼暝閣互老父飲酒,細查某子起來去及伊睏;伊甚麼時去睏,甚麼時起來,老父亦攏呣知。
19:36 按呢,羅得二個查某子攏對 in 老父來懷孕。
19:37 大的生子,叫伊的名摩押,就是現今摩押人的祖。
19:38 細的也生子,叫伊的名便亞米,就是現今亞捫人的祖。

回聖經目錄