創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

20:1 亞伯拉罕對遐站站向南方徙去,住佇加低斯書珥的中間,寄居佇基拉耳
20:2 亞伯拉罕講到伊的某撒拉,就講是我的小妹,基拉耳亞比米勒差人將撒拉導去。
20:3 暝時,眠夢中,上帝來,給亞比米勒講:「你是該死的人!因為你所導彼個婦仁人;是人的某。」
20:4 亞比米勒猶未親近伊;就講:「主啊!行義的百姓,你亦欲滅伊嗎?
20:5 彼人豈呣是本身對我講,『伊是我的小妹』嗎?就婦仁人也本身講:『伊是我的兄。』我做此個事是心端正手清氣。」
20:6 上帝佇夢中對伊講:「我本知你做此個事是心中端正;我才阻擋你,免得你得罪我,所以我無容允你摸著伊。
20:7 今你著將此人的某還伊;因為伊是先知,伊欲替你祈禱,你才會活。你若呣還伊,你著知,你及你所有的人攏得欲死。」
20:8 亞比米勒透早起來,叫眾奴僕來,將諸個代誌攏講互聽,許個人攏真驚。
20:9 亞比米勒亞伯拉罕來,對伊講:「你對阮所行的是甚麼事?我有甚麼得罪你,你竟然互我及我國內的人陷落重罪?你對我行呣應該行的事!」
20:10 亞比米勒閣對亞伯拉罕講:「你看見甚麼才做此個事?」
20:11 亞伯拉罕講:「我拍算此所在的人攏無驚上帝,欲為著我的某的緣故刣死我。
20:12 閣伊亦實在是我的小妹;像父各母,後來做我的某。
20:13 當上帝教我離開老父的家、四界行的時,我給伊講:『將來咱所到的所在,請你稱我講:伊是我的兄;這就是你款待我的恩。』
20:14 亞比米勒將羊、牛、奴僕、女婢互亞伯拉罕,閣將伊的某撒拉還伊。
20:15 亞比米勒閣講:「你看,我的地攏佇你的面前,你通隨意徛起。」
20:16 閣給撒拉講:「我互你的兄一千銀,給你對全家做遮目睭的,今你佇一切攏無不是。」
20:17 亞伯拉罕祈禱上帝,上帝就醫好亞比米勒及伊的某,及女婢,就會生子。
20:18 因為耶和華為著亞伯拉罕的某撒拉的緣故,已經互亞比米勒家內的婦仁人會生子。

回聖經目錄