創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

21:1 耶和華照伊前的話眷顧撒拉,對按呢耶和華照伊所講的給撒拉做成。
21:2 亞伯拉罕年老的時,撒拉懷孕;到上帝對伊講的日期,就給伊生一個子。
21:3 亞伯拉罕撒拉所生的子號名叫以撒
21:4 以撒出世八日,亞伯拉罕照上帝所吩咐的,給伊的子行割禮。
21:5 伊的子以撒出世的時,亞伯拉罕一百歲。
21:6 撒拉講:「上帝互我歡喜笑,見若聽見者欲及我同歡喜笑」;
21:7 閣講:「是誰會代先給亞伯拉罕講『撒拉欲互嬰仔吸奶(suh-leng)』?因為佇伊年老的時,我給伊生一個子。」
21:8 囝仔漸漸大,就斷奶。以撒斷奶的日,亞伯拉罕排設大筵席。
21:9 當時,埃及甲給亞伯拉罕所生的子啲冷笑,互撒拉看見,
21:10 就對亞伯拉罕講:「著趕出此個女婢及伊的子!因為女婢的子通及我的子以撒同做後嗣。」
21:11 亞伯拉罕因為伊的子的緣故不止憂悶。
21:12 帝給亞伯拉罕講:「你呣通為著此個囝仔以及你的女婢憂悶。見若撒拉對你講的,你攏著聽;因為對以撒生的,才欲稱做你的後裔。
21:13 論到女婢的子,我亦欲互伊成做一國,因為伊亦是你生者。」
21:14 亞伯拉罕早早起來,提餅及一皮袋的水,互夏甲,下佇伊的肩頭頂,連囝仔續教伊去,伊就去。到別是巴的曠野就行無路。
21:15 皮袋內的水用了,夏甲就將囝仔放佇細欉樹腳,
21:16 本身行開約略擲一支箭的遠,相對面啲坐,講:「我不忍看囝仔死」,就相對面坐,出聲大啼哭。
21:17 上帝聽見囝仔的聲;上帝的使者對天裡叫夏甲講:「夏甲,你有甚麼代誌?呣免驚,上帝已經聽見囝仔佇遐的聲。
21:18 起來!亦互囝仔起來牽佇你的手,我欲互伊成做大國。」
21:19  上帝開伊的目睭,伊就看見水井,就將皮袋去入水到滿滿,續互囝仔飲。
21:20 上帝及囝仔佇啲,伊就漸漸大,踮佇曠野,成做射箭的人。
21:21 伊徛起佇巴蘭的曠野;伊的老母對埃及地給伊娶一個某。
21:22 當彼時,亞比米勒及伊的軍長非各對亞伯拉罕講:「見若你所行的事上帝及你佇啲。
21:23 今你佇遮著指上帝及我咒誓,呣通欺負我及我的子,以及我的孫。我按怎樣好款待你,你亦著照按呢款待我以及你所寄居的地方。」
21:24 亞伯拉罕講:「我欲咒誓。」
21:25 前,亞比米勒的奴僕霸佔一口水井,亞伯拉罕為此個事嫌亞比米勒
21:26 亞比米勒講:「是誰做此個代誌,我呣知,你亦未有給我講,到今仔日我才聽見。」
21:27 亞伯拉罕將羊及牛互亞比米勒,二人就相及立約。
21:28 亞伯拉罕將七隻母的羊羔另外放佇一所在。
21:29 亞比米勒亞伯拉罕講:「你將七隻母的羊羔另外放佇一所在,是甚麼意思?」
21:30 應講:「你著對我的手收此七隻母的羊羔,做我開此口井的證據。」
21:31 所以名彼所在叫別是巴,因為二人佇遐有咒誓。
21:32 別是巴立約,亞比米勒就及伊的軍長非各起身倒去非利士地
21:33 亞伯拉罕別是巴栽一欉垂絲(sûi-si)柳樹,閣佇遐求叫耶和華──永永佇啲上帝的名。
21:34 亞伯拉罕非利士人的地寄居多多日。

回聖經目錄