創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

23:1 撒拉享壽一百二十七歲,這是撒拉一生的年歲。
23:2 撒拉死佇迦南地的基列亞巴,就是希伯崙亞伯拉罕來為著撒拉哀傷啼哭。
23:3 後來亞伯拉罕對死人的面前起來,給人講:
23:4 「我佇恁中間是寄居的出外人。求恁佇遮互我一個所在做塚地,通埋葬我的死人,互我無閣看見伊。」
23:5 人應亞伯拉罕給伊講:
23:6 我的主請聽。你佇阮中間做上帝的牧伯,出在你佇阮的塚地內揀第一好的來埋葬你的死人;阮無一人呣容允你佇伊的塚地內埋葬你的死人。」
23:7 亞伯拉罕起來,對彼所在的人就是族俯(án)腰,
23:8 講:「恁若有意思欲互我埋葬我的死人,互我無閣看見伊,就請聽我,替我求瑣轄的子以弗崙
23:9 將伊的田頭麥比拉的穴互我;伊通照足額的價數賣互我,互我佇恁中間有業通做墓地。
23:10 當時以弗崙坐佇人的中間。對彼霎以弗崙佇一切入伊的城門的人的面前應亞伯拉罕講:
23:11 「呣免,我的主聽我。我欲送你彼區田,連彼內面的穴亦互你,佇我同族的人的面前我互你,通埋葬你的死人。」
23:12 亞伯拉罕就佇彼所在的百姓的面前俯腰,
23:13 佇彼所在百姓的面前對以弗崙講:「你若肯,請聽我。我欲將田的價錢互你,你著收,互我通佇遐埋葬我的死人。」
23:14 以弗崙亞伯拉罕講:
23:15 「我的主請聽我。田值得銀四百舍客勒,佇你我的中間欲算甚麼?做你埋葬你的死人。
23:16 亞伯拉罕以弗崙的話,照伊佇人的面前所講的,將買賣通用的銀秤四百舍客勒(sià-khek-le̍k)互以弗崙
23:17 對彼霎,以弗崙的田,佇麥比拉幔利的頭前彼區田及彼內面的穴,及田內以及四圍一切的樹木,
23:18 族人及一切入伊的城門的人的面前,攏定著歸互亞伯拉罕做業。
23:19 後來,亞伯拉罕將伊的某撒拉埋葬佇迦南幔利頭前的麥比拉田裡的穴。(幔利就是希伯崙)。
23:20  對按呢,彼區田及田裡的穴對人定著歸互亞伯拉罕做業來做墓地。

回聖經目錄