創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

37:1 雅各徛起迦南地,就是伊的老父寄腳的所在。
37:2 雅各的世系記佇下底。約瑟十七歲及伊許個兄相及顧羊。伊是一個囝仔,及伊的老父的細姨辟拉的子,悉帕的子常常做陣。約瑟將伊許個兄的歹品行給老父講。
37:3 以色列約瑟卡贏過佇疼伊的眾子,因為約瑟是伊年老生的;伊給伊做一領彩色的衫。
37:4 約瑟許個兄看見老父疼約瑟過頭佇疼,就怨恨約瑟,會及伊講和睦的話。
37:5 約瑟夢見一個夢,給伊許個兄講,就閣卡怨恨伊。
37:6 約瑟講:「請恁聽我所夢見的夢:
37:7 咱佇園裡縖(hâ)五穀,我所縖的起來徛,恁所縖的圍(ûi-lûi拜我所縖的。」
37:8 伊的兄應講:「總無你真正欲做阮的王嗎?真正欲管轄阮嗎?」in著伊的夢及伊的話閣卡怨恨伊。
37:9 後來伊閣夢見一個夢,亦給伊的兄講:「你看,我又閣夢見一個夢,有日、月,及十一粒星拜我。」
37:10 約瑟給伊的老父及伊的兄講;老父就責備伊講:「你所夢見此個夢是怎樣!總無我及恁老母、恁兄弟攏欲仆,拜你嗎?」
37:11 伊的兄攏怨妒伊,伊的老父用諸個話記佇心內。
37:12 約瑟的兄去示劍,飼老父的羊。
37:13 以色列約瑟講:「恁兄豈呣是佇示劍飼羊嗎?你來,我欲差你去遐。」伊應講:「我佇遮。」
37:14 伊給伊講:「你去看恁兄有平安抑無,羊群有平安抑無,倒來給我講」;就差伊出希伯崙的山谷,伊就去到示劍
37:15 有人撞著伊佇山裡迷路,就問伊講:「你啲尋甚麼?」
37:16 伊講:「我啲尋我的兄,請給我講,佇叨落啲飼羊?」
37:17 彼人講:「已經離開遮,因為我聽見啲講,咱來去多坍。」約瑟就去趇伊的兄,抵著多坍
37:18 遠遠看見伊,伊猶未行到遐,就相及計謀欲害死伊,
37:19 大家相及講:「你看!做夢者來啦。
37:20 乎(hò)來!今咱給伊刣死,(hiat)佇一個乾井,才來講有歹獸食伊。咱才看伊的夢將來怎樣。」
37:21 流便聽見,就救伊脫離的手,講:「咱呣通害伊的生命」;
37:22 流便閣對講:「呣通互伊流血,通給伊佇此個曠野的乾井,呣通下手害伊。」意思是欲救伊脫離的手,互伊倒去伊的老父遐。
37:23 約瑟到伊的兄遐,彼霎就褪(thǹg)約瑟的外衫,就是伊身軀彼領彩色的衫,
37:24 就掠伊落井;彼個井是乾的,內面無水。
37:25 坐啲食餅,攑目看,看見一陣以實瑪利人對基列來,用駱駝背香料、乳香、沒藥,欲帶落去埃及
37:26 猶大對諸個兄弟講:「咱刣死咱的小弟,囥(khùg)密伊的血,有甚麼利益?
37:27 咱來給伊賣互以實瑪利人,呣通下手害伊;因為伊是咱的小弟,咱的骨肉。」兄弟聽伊。
37:28 有許個米甸的生理人對遐過,伊的兄就給約瑟對井內拔起來,將伊賣互以實瑪利人,得著二十個銀。許個人就帶約瑟埃及
37:29 流便倒轉來井邊,看見約瑟無佇井內,就拆裂家己的衫,
37:30 倒去小弟遐,講:「囝仔無去啦。也我呢,我欲叨落去?」
37:31 就刣一隻山羊牨,將約瑟彼領衫搵(ùn)血,
37:32 就差人提彼領彩色的衫去老父遐,講:「阮尋著此領,請你認看是你的子的外衫抑呣是?」
37:33 伊認得,就講:「這是我的子的外衫。有歹獸給食伊,瑟的確互伊拆碎。」
37:34 雅各就拆裂衫,腰縖麻布,為伊的子哀傷多多日。
37:35 伊的子及伊的查某子攏起來安慰伊,伊呣肯受安慰,講:「我的確哀傷落陰府到我的子遐。」伊的老父為著伊啼哭。
37:36 米甸人帶約瑟埃及,將伊賣互法老的人臣──侍衛長波提法

回聖經目錄