創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

38:1 彼時,猶大離開伊的兄弟,落去到一個亞杜蘭人名做希拉的家。
38:2 猶大佇遐看見一個迦南人名叫書亞的查某子,就娶伊,及伊同房,
38:3 伊就懷孕生子,猶大就給伊號名做
38:4 伊閣懷孕生子,老母給伊號名俄南
38:5 伊又閣生子,給伊號名示拉。伊生示拉的時,猶大抵仔佇基悉
38:6 猶大給伊的大子娶某,名叫她瑪
38:7 猶大的大子行歹佇耶和華的面前,耶和華就互伊死。
38:8 猶大俄南講:「你著及你的兄嫂同房,對伊來盡你做小弟的本份,給你的兄立後嗣。
38:9 俄南知所生的子無歸佇伊家己,所以同房的時,遺泄(ûi-siat)佇地裡,免得互伊的兄有後嗣。
38:10 伊的所做,耶和華看做歹,互伊亦死。
38:11 猶大心內講:「驚了示拉亦死,親像伊二個兄一樣。」就對伊的媳婦(sim-pū)她瑪講:「你去,住恁老父的家守寡,聽候我的子示拉長成。」她瑪就倒去,住佇老父的家。
38:12 過久久,猶大的某書亞的查某子死。猶大受安慰,就及伊的朋友亞杜蘭希拉上去亭拿,到伊剪羊毛的人遐。
38:13 有人給她瑪講:「恁乾官(ta-koaⁿ)上去亭拿剪伊的羊的毛。」
38:14 她瑪看見示拉已經長成,猶無娶伊做某,就褪伊守寡的衫,用帕(phè)罩(tà)面,閣(moa)身體,坐佇亭拿的路伊拿印門口。
38:15 猶大看見伊,掠做是娼妓,因為伊有罩面。
38:16 就越去路邊就近伊,講:「來!互我及你相及睏。」因為呣知是伊的媳婦。應講:「你欲及我睏,欲用甚麼互我?」
38:17 猶大講:「我對羊群內掠一隻山羊仔,寄來互你。」講:「你欲用物互我做準當,聽候你寄來嗎?」
38:18 猶大講:「我著甚麼互你做準當?」伊就講:「你的印、你的帶,及你手裡的枴仔。」就互伊,及伊睏,伊就對猶大懷孕。
38:19 她瑪起來去,褪伊的帕(phè),猶原穿伊守寡的衫。
38:20 猶大託伊的朋友亞杜蘭人送一隻山羊仔,欲對彼個婦仁人的手提準當,尋伊著,
38:21 就問彼所在的人講:「伊拿印路邊的娼妓佇叨落?」講:「此位無娼妓。」
38:22 伊倒去見猶大講:「我尋伊無,彼位的人亦講:『此位無娼妓。』」
38:23 猶大講:「據(kù)在伊提去,免得咱見誚。你看,我已經將此隻山羊仔送伊,你竟然尋伊無。」
38:24 約略過三月日,有人給猶大講:「你的媳婦她瑪做娼妓,閣因為行淫續有娠孕(sin-īn)。」猶大講:「給伊拖出來燒!」
38:25 她瑪互人拖出來的時就差人去見伊乾官講:「諸個物是是誰的,我就是對伊來懷孕。」閣講:「請你認,看此個印及帶及枴仔是是誰的?」
38:26 猶大認得就講:「伊比我卡有義,因為我無將伊嫁互我的子示拉。」對彼霎猶大無閣親近伊。
38:27 她瑪得欲生的時,知伊腹肚內是雙個。
38:28 啲生的時,一個囝仔伸一支手出來;拾姐提紅線縛佇伊的手,講:「此個是代先出的。」
38:29 後來伊的手勼(kiu)入去,第二個出世;拾姐講:「你啥事(chông)出來?」此個爆破是為著你,所以給伊號名做法勒斯
38:30 後來,彼個手縛紅線的亦生出來,就號伊的名做謝拉

回聖經目錄