創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

4:1 彼人及伊的某夏娃同房,娃就懷孕生該隱,講:「我對耶和華庇佑得著子。」
4:2 閣生伊的小弟亞伯亞伯是顧羊者,該隱是作田者。
4:3 到日後,該隱將土產做禮物獻互耶和華;
4:4 亞伯也將羊群中頭上生的羊及伊的油提來獻。耶和華眷顧亞伯及伊的禮物,
4:5 總是無眷顧該隱及伊的禮物。該隱就大受氣,變面。
4:6 耶和華對該隱講:「你啥事受氣?你啥事變面?
4:7 你若行好,豈無得著鑒納?若無行好,罪孽埋伏佇門口。伊欲戀慕你,你欲管轄伊。」
4:8 該隱給伊的小弟講;以後佇山裡的時,該隱攻擊伊的小弟亞伯,給伊刣死。
4:9 耶和華對該隱講:「你的小弟亞伯佇叨落?」伊講:「呣知!我豈是顧守我的小弟的嗎?」
4:10 伊講:「你有做甚麼?恁小弟的血的聲對地裡喉叫我。
4:11 地有開嘴,對你的手來接受恁小弟的血。今你對此個地受咒詛。
4:12 你種作,地無欲出土產互你;你欲四界走,漂流地上。」
4:13 該隱對耶和華講:「我的刑罰太重,過頭佇我所會當的。
4:14 你今仔日趕我離開此個地面,無通住佇你的面前;我四界走漂流地上,見若抵著我的欲刣死我。」
4:15 耶和華對伊講:「因為按呢,見若刣死該隱的,欲受七倍的報應。」耶和華就給該隱立一個記號,免得抵著伊的刣死伊。
4:16  該隱就離開耶和華的面前,去佇伊甸的東勢羅得的地徛起。
4:17 該隱及伊的某同房,伊的某懷孕,生以諾該隱起城,就照伊的子的名稱彼個城的名做以諾
4:18 以諾以拿以拿米戶雅利米戶雅利瑪土撒利瑪土撒利拉麥
4:19 拉麥娶二個某:一個名亞大,一個名洗拉
4:20 亞大雅八;伊做徛起布棚、飼精牲的人的祖。
4:21 伊的小弟名猶八;伊是做一切彈琴歕簫的人的祖。
4:22 洗拉也生土八該隱;伊就是製造逐樣銅鐵利器的。土八該隱的姊妹就是拿瑪
4:23 拉麥對伊二個某講:亞大洗拉啊!著聽我的聲;拉麥的某啊!著致意聽我的話:人傷我,我刣伊;少年人害我,我刣伊。
4:24 該隱的伸冤,若是七倍,就拉麥的伸冤,的確七十七倍。
4:25 亞當閣及伊的某同房,伊的某生子,標名叫,是講:「上帝閣給我設立一個子來替亞伯,因為該隱給伊刣死。」
4:26 也生子,標名以羅士。彼時,人才起頭求叫耶和華的名。