創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

42:1 雅各看見埃及有五穀(kak),雅各就給伊許個子講:「恁啥事啲相看?」
42:2 閣講:「我聽見埃及有五穀,恁通落去遐,為咱糴(thiò)淡薄,互咱通度活,免死。」
42:3 對按呢,約瑟十個兄攏落埃及去糴米糧。
42:4 總是約瑟的小弟便雅憫雅各無差伊及兄相及去,因為伊講:「驚了伊抵著害。」
42:5 來糴米糧的人的中間以色列許個子亦有來,因為迦南地亦有飢荒。
42:6 當時治理埃及地的是約瑟;糶米糧互彼所在的眾百姓者亦是伊。約瑟許個兄來,仆落地,拜伊。
42:7 約瑟看見伊許個兄,會認得,假做生份人,對講卡嚴的話,問講:「恁對叨落來?」in講:「對迦南地來糴米糧。」
42:8 約瑟會認得兄,認得伊。
42:9 約瑟記得前所夢論到的許個夢,就對講:「恁是偵探,來探聽此所在的虛實。」
42:10 對伊講:「阮的主啊,呣是。你的奴僕來欲糴米糧。
42:11 阮攏是一人的子,阮是老實人;你的奴僕呣是偵探。」
42:12 約瑟給講:「呣是按呢,恁來是欲探聽此所在的虛實。」
42:13 講:「你的奴僕十二個兄弟,是迦南地一個人的子,第一細者現今佇阮老父遐,有一個無去啦。」
42:14 約瑟給講:「我抵仔講恁是偵探,此個話實在無錯。
42:15 我指法老的生命來咒誓,若恁煞尾的小弟無到遮,恁得通出此所在,用按呢來試驗恁的虛實。
42:16 著差恁中間一人去,導恁的小弟來。恁諸個攏著關佇遮,證明恁的話,知恁誠實抑無,若無,我指法老的生命來咒誓,恁一定是偵探。」
42:17 對按呢約瑟攏關佇監裡三日。
42:18 到第三日,約瑟講:「我敬畏上帝;恁照我的話行就會活。
42:19 恁若果然是老實人,恁兄弟中通留一個縛佇恁彼監內,總是恁通帶米糧倒去,救恁家內的飢荒。
42:20 將恁煞尾小弟導來我遮,按呢,恁的話就有憑據,恁也呣免死。」就照按呢行。
42:21 相及講:「咱對佇咱的小弟實在有罪。伊哀求咱的時,咱看見伊心內的艱苦,也呣肯聽伊,所以此場的苦難到佇咱。」
42:22 流便講:「我豈呣是對恁講,呣通害彼個囝仔來取罪,獨獨恁呣聽,所以流伊的血的罪對咱諸個討。」
42:23 呣知約瑟聽會曉得,因為佇中間有用翻譯官。
42:24 約瑟越轉身,流目屎,閣越來及講話,就佇中間取西緬出來,佇的面前給伊縛(pa̍k)啲。
42:25 約瑟吩咐人將五穀入佇的器具到滿滿,也將逐人的銀下佇的布袋內來還,閣用路裡的食物互,人就照按呢來給i
42:26 就將五穀互的驢載,就離開遐去。
42:27 到歇暝的所在,中間有一人解(tháu)開伊的布袋,欲提互驢食,才看見伊的銀猶(iû)原佇啲下佇布袋口。
42:28 就給伊的兄弟講:「我的銀還倒轉,你看,猶原佇我的布袋內。」就驚到無心肝,愕愕惙相及講:「上帝按呢款待咱是甚麼?」
42:29 迦南地、到 老父雅各遐,將所抵著的事攏給伊講,講:
42:30 「彼人就是彼所在的主,對阮講真嚴的話,掠阮做彼所在的偵探。
42:31 阮給伊講:『阮是老實人,阮呣是偵探。
42:32 阮是十二個兄弟,是阮老父的子,有一個無去,第一細者現今及阮老父佇迦南地。』
42:33 彼人就是彼所在的主給阮講:『若愛互我知恁是老實人,恁兄弟中通留一個佇我遮,恁諸個通帶五穀倒去,救恁家內的飢荒。
42:34 導恁煞尾的小弟來我遮,我就知恁呣是偵探,是老實人。按呢,我就將恁的兄弟交互恁,恁也通佇此所在買賣。』」
42:35 後來傾(piàⁿ)的布袋,無拍算,逐人的銀包攏佇的布袋內;老父看見銀包就攏驚惶。
42:36 的老父雅各講:「恁互我失落我的子:約瑟無去,西緬也無去,恁閣欲導便雅憫去;諸個代誌攏是害著我。」
42:37 流便給伊的老父講:「我若無導伊倒來交你,你通刣(thâi)我二個子。做你通將伊交代我,我的確導伊倒來交你。」
42:38 雅各講:「我的子我無欲互伊及恁去;伊的兄已經死,只有剩伊,伊若佇恁所行的路抵著陷害,彼就是恁互我白頭毛、淒慘落陰府。」

回聖經目錄