創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

43:1 彼所在飢荒真大。
43:2 埃及帶來的五穀已經食了,老父給講:「恁閣去給咱糴淡薄米糧來。」
43:3 猶大應伊講:「彼人切切吩咐阮講:『恁小弟若無及恁相及來,恁就得著見我的面。』
43:4 恁若差阮小弟及阮相及去,阮就落去給你糴米糧;
43:5 你若呣差伊去,阮就呣落去,因為彼人給阮講:『恁小弟若無及恁相及來,恁就得著見我的面。』
43:6 以色列講:「恁啥事按呢害我,給彼人講恁猶有小弟啊?」
43:7 應講:「彼人致意問阮及阮親族的代誌,講:『恁老父猶佇啲無?恁猶有兄弟無?』阮照伊所問的給伊講。阮豈可會知伊欲講『著帶恁小弟落來』?」
43:8 猶大閣給伊的老父以色列講:「你差囝仔及我去,阮就起身去,通互阮及你,以及阮的囝仔,得著活,免死。
43:9 我給伊保;你通對我討,我若無導伊倒來徛佇你的面前,我願一生擔當罪。
43:10 咱若呣是有延延(iân-chhiân),已經第二擺倒來啦。」
43:11 老父以色列講:「若是按呢,恁就著按呢做:通取此所在第一好的土產乳香淡薄、蜂蜜淡薄、以及香(huiⁿ)料、沒(bút)藥、榧子(hui-chi)、杏仁攏收佇器具內,帶去送彼人,
43:12 閣著帶銀重倍(têng-pē),亦著將恁布袋口伊還恁的銀帶倒轉去互伊;彼個豈採是失錯。
43:13 亦導恁小弟起身,去閣見彼人。
43:14 獨獨願全能的上帝互恁佇彼人的面前得著憐憫,將恁彼個兄弟及便雅憫交恁。我若失落我的子,亦著互伊失落就是。
43:15 對彼霎,帶許個禮物,亦帶銀重倍(têng-pē),閣導便雅憫,起身落去埃及,徛佇約瑟的面前。
43:16 約瑟看見便雅憫相及來,就對管家者講:「導諸個人去厝內。刣精牲,備辦筵席,因為日晝(tàu)諸個人欲及我相及食。」
43:17 彼人就照約瑟的話去行,導許個人入約瑟的厝。
43:18 許個人因為互伊導到約瑟的厝,就驚惶,講:「導咱到遮,的確是因為頭一擺還咱佇布袋內的銀,欲尋咱的空縫(khang-phāng),下手害咱,強強掠咱做奴僕,搶咱的驢。」
43:19 就倚近約瑟的管家者,佇厝門口及伊講話,講:
43:20 「我的主啊,阮頭擺落來實在是欲糴米糧。
43:21 後來到歇暝的所在,開阮的布袋,無拍算,阮逐人的銀足數,猶原佇逐人的布袋口,今阮有閣帶來。
43:22 阮另外有閣帶銀欲來糴米糧。阮呣知是誰將阮的銀下佇阮的布袋內。」
43:23 管家者講:「做恁安心,免驚;是恁的上帝及恁老父的上帝賞賜恁財寶佇恁的布袋內;恁的銀,我已經收了。」就導西緬出來,互
43:24 彼人就導許個人入約瑟的厝,捧水互就洗腳,閣提草料飼的驢。
43:25 就備辦許個禮物,聽候約瑟日晝倒來,因為聽見欲佇遐食。
43:26 約瑟倒來到厝,就將所帶來的禮物提入厝送伊,閣仆佇地裡,拜伊。
43:27 約瑟平安,閣講:「恁的老父──就是恁所講彼個老人平安嗎?伊猶佇啲嗎?」
43:28 應講:「你的奴僕──阮的老父平安;伊猶佇啲。」就俯頭拜伊。
43:29 約瑟攑目看見伊同母的小弟便雅憫,就講:「你所給我講煞尾小弟是此個嗎?」閣講:「細子,願上帝施恩互你!」
43:30 約瑟疼小弟的情大受激動,就趕緊尋一位通啼哭,入伊的房間啼哭。
43:31 後來洗面出來,勉強愞(lún)啲,吩咐開桌。
43:32 就為約瑟另外排一塊桌,為許個人閣排一塊,亦為及約瑟相及食的埃及人另外排一塊,因為埃及通及希伯來人相及食;這是埃及人所厭惡(iam-òⁿ)。
43:33 許個人坐佇伊的面前,大細照年歲的次序(chhù-sū),許個人大家卬愕(gông-ngia̍h)。
43:34 約瑟將伊面前的食物,分互;獨獨便雅憫所得著的比別人五倍多。就飲酒,及約瑟相及宴樂。

回聖經目錄