創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

45:1 約瑟佇許個徛伊身邊的人的面前愞(lún)住(tiâu),就喝講:「眾人著離開我出去!」約瑟將伊本身互兄弟認得的時無一人徛佇伊的面前。
45:2 伊就出聲大哭;埃及人聽見,法老的家亦聽見。
45:3 約瑟給伊的兄弟講:「我是約瑟。我的老父猶佇啲嗎?」伊的兄弟會應,因為佇伊的面前攏驚惶。
45:4 約瑟閣給伊的兄弟講:「請行倚來。」就倚來。伊講:「我是恁的小弟約瑟,就是恁所賣到埃及的。
45:5 今,呣免因為賣我到遮來憂悶來家己怨恨。這是上帝差我代先恁來,因為欲保全生命。
45:6 今佇此所在的飢荒已經二年,猶有五年無通種作,無通收成。
45:7 上帝差我代先恁來,為著欲給恁留剩(chhun)的種族佇世上,閣欲行伊大的拯救,保全恁的活命。
45:8 按呢看起來,差我到遮的呣是恁,就是上帝。伊閣互我親像法老的父,做伊全家的主,及管理埃及全地。
45:9 恁著趕緊上去我的老父遐,給伊講:『你的子約瑟按呢講:上帝互我做全埃及的主,請落來我遮,呣通延延。
45:10 你及你的子你的孫,及牛群羊群,以及一切所有的,攏通來踮佇歌珊的地,及我相近。
45:11 我欲佇遐奉承你;因為猶有五年的飢荒,免得你及你的家眷,及一切所有的,落薄(lo̍h-po̍h)。
45:12 何況恁的目睭及我的小弟便雅憫的目睭攏看見我及恁親嘴對恁講話。
45:13 恁也著將我佇埃及一切的榮光及恁所看見的事攏給我的老父講,閣著趕緊將我的老父搬來我遮。」
45:14 對按呢約瑟仆佇伊的小弟便雅憫的頷頸啼哭,便雅憫也佇伊的頷頸啼哭。
45:15 伊閣及眾兄弟唚嘴,抱啼哭;後來伊的兄弟就及伊講話。
45:16 此個風聲傳到法老的宮內,講:「約瑟的兄弟來啦。」法老及伊的人臣攏歡喜。
45:17 法老給約瑟講:「你著給你的兄弟講:『恁著按呢行:將物互精牲載,起身去迦南地。
45:18 將恁的老父及恁的家眷攏搬來我遮,我欲將埃及地的好物互恁,恁亦通食此所在的山珍海味。
45:19 今我命令你,恁著按呢做:對埃及地帶車去,將恁的囝仔及某,及恁的老父攏搬來。
45:20 呣通看重恁家內的物,因為埃及全地的好物攏是恁的。』」
45:21 以色列的眾子就按呢行。約瑟照法老的命令互車及路中著用的食物,
45:22 閣互一人一套衣服,獨獨互便雅憫銀三百,衣服五套;
45:23 老父的物記佇下底,驢牨十隻,載埃及的好物,驢母十隻,載五穀及餅及菜,互老父路裡通用。
45:24 約瑟就差伊的兄弟倒去,就起身,閣給講:「恁呣通佇路裡冤家。」
45:25 埃及上去,來到迦南地、老父雅各遐,
45:26 給伊講:「約瑟猶佇啲,閣管理埃及全地。」雅各心昏去(hūn-khi),因為呣信的話。
45:27 就將約瑟對所講的話攏給伊講。伊閣看見約瑟所差來欲載伊的車,老父雅各的心活起來。
45:28 以色列講:「好啦!我的子約瑟猶佇啲,趁我猶未死,我欲去看伊。」

回聖經目錄