創 世 紀

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

46:1 以色列帶一切所有的,起身來到別是巴,就獻祭互伊的老父以撒的上帝。
46:2 暝時,上帝佇異象的中間給以色列講:「雅各啊!雅各啊!」伊講:「我佇遮。」
46:3 上帝講:「我是上帝,就是你的老父的上帝。你落去埃及呣使驚,因為我欲互你佇遐成做大國。
46:4 我欲及你相及落去埃及,我亦的確導你起來;約瑟欲手按你的目睭互你瞌(khoeh)。」
46:5 雅各就對別是巴起身。以色列許個子互的老父雅各的子兒、的某,攏坐佇法老所差來欲載伊的車。
46:6 雅各及伊一切的子孫,帶的精牲,以及佇迦南地所得著的貨財攏到埃及
46:7 雅各帶伊的子、孫、查某子、查某孫,及伊一切的後裔,攏到埃及
46:8 以色列人到埃及者,雅各及伊的子的名記佇下底:雅各的大子流便
46:9 流便的子哈諾法路希斯倫迦米
46:10 西緬的子耶某利雅憫阿轄雅斤瑣轄,猶有迦南地的婦仁人的子掃羅
46:11 利未的子革順哥轄米拉利
46:12 猶大子珥俄南示拉法勒斯謝拉;獨獨俄南死佇迦南地。法勒斯的子希斯倫哈某勒
46:13 以薩迦的子陀拉普瓦約伯伸崙
46:14 西布倫的子西烈以倫雅利
46:15 諸個是利亞巴旦亞蘭雅各所生的子,閣有伊的查某子底拿。子孫男女共三十三人。
46:16 迦得的子洗非芸哈基書尼以斯本以利亞羅底亞列利
46:17 亞設的子音拿亦施瓦亦施韋比利亞,閣in的小妹西拉比利亞的子希別瑪結
46:18 這是拉班互伊的查某子利亞的女婢悉帕所生的子孫就是伊給雅各生的,共十六人。
46:19 雅各的某拉結的子約瑟便雅憫
46:20 約瑟埃及地生瑪拿西以法蓮,就是安城的祭司波提非拉的查某子亞西納約瑟生的。
46:21 便雅憫的子比拉比結亞實別基拉乃幔以希羅實某平戶平亞勒
46:22 這是拉結雅各所生的子孫,共十四人。
46:23 的子戶伸
46:24 拿弗他利的子雅設沽尼耶色示冷
46:25 這是拉班互伊的查某子拉結的女婢辟拉所生的子孫就是伊給雅各所生的,共七人。
46:26 許個及雅各相及到埃及者,除伊的媳婦以外,見若對伊身軀所出的,共六十六人。
46:27 閣有約瑟埃及所生的子二個。雅各的家來到埃及者共七十人。
46:28 雅各猶大做頭去見約瑟,通導歌珊就到歌珊的地。
46:29 約瑟備辦伊的車去歌珊,迎接伊的老父以色列,到見著面,就仆佇老父的頷頸,佇頷頸裡哭久久。
46:30 以色列約瑟講:「我見著你的面,知你猶活啲,我今死亦甘心。」
46:31 約瑟給伊的兄弟及老父的家講:「我欲上去通知法老,給伊講:『我的兄弟及我的老父的家前佇迦南地者,今攏來到我遮。
46:32 是牧者,因為是飼精牲的人;將羊群牛群及一切所有的攏帶來。』
46:33 法老召恁的時,若問恁講:『恁做甚麼頭路?』
46:34 恁著講:『你的奴僕,對少年到今,阮連阮的祖公攏是啲飼精牲。』按呢恁通來徛佇歌珊的地;因為見若飼精牲的攏是埃及人所厭賤。」

回聖經目錄