|
49:1
| 雅各叫伊許個子來，講：「恁攏聚集，我欲將恁日後所會抵著的事給恁講。
|
|
49:2
| 雅各諸個子，恁著聚集來聽，著聽恁老父的話。
|
|
49:3
| 流便啊，你是我的大子，我的權勢我的氣力的起頭，威嚴的特色者，權能的特色者。
|
|
49:4
| 總是你親像水啲滾，的確 得著居(ku)頭位；因為你絔(peh)上恁老父的眠床，彼時你拍垃墋伊，伊絔上我的舖。
|
|
49:5
| 西緬、利未是兄弟； 的刀劍是兇惡的器具。
|
|
49:6
| 我的心神啊，你呣通及同計謀；我的神魂啊，你呣通及的會眾聯絡；因為逞(thēng)起受氣刣死人，出在意思割斷牛腿的大筋。
|
|
49:7
| 的受氣躁暴(so̍-pō)通咒詛；的恨氣殘忍亦是通咒詛。我欲分開佇雅各家，四散佇以色列族。
|
|
49:8
| 猶大啊，你的兄弟欲謳咾你；你的手欲扼(chhih)對敵的頷頸；你的老父的子欲仆拜佇你面前。
|
|
49:9
| 猶大是細隻獅；我的子啊，你對所抓著的物就上去。伊屈落，伊撐腳親像獅，亦親像母的獅，是誰敢惹伊？
|
|
49:10
| 權柄無離開猶大，治理者無離開伊兩支腳的中間，到細羅來，列邦攏欲歸伊。
|
|
49:11
| 縛伊的驢仔佇葡萄樹，縛伊的驢仔子佇好的葡萄樹。用葡萄酒洗伊的衣服，用葡萄汁洗伊的衣裳。
|
|
49:12
| 伊的目睭因為酒來紅；伊的嘴齒因為奶來白。
|
|
49:13
| 西布倫欲徛起海口，欲做拋船的海口；伊的界欲到西頓。
|
|
49:14
| 以薩迦是勇的驢，倒佇羊稠(tiâu)的中間。
|
|
49:15
| 伊看安靜做好，看土地做媠，俯肩頭擔壓(taⁿ-teh)，成做勞苦的奴僕。
|
|
49:16
| 但欲判斷伊的百姓，親像以色列支派的一個。
|
|
49:17
| 但欲做路裡的蛇，路中的毒蛇，咬傷馬蹄，騎的人向(hiàⁿ)對後面落去。
|
|
49:18
| 耶和華啊，我有聽候你的拯救。
|
|
49:19
| 迦得欲互軍隊追迫；總是伊欲追迫in的腳後 (tiⁿ)。
|
|
49:20
| 亞設欲出好的米糧，閣出王所食的好物。
|
|
49:21
| 拿弗他利是解放的鹿母：出好聽的話。
|
|
49:22
| 約瑟是 (gâu)結果子的樹枝，伊的樹枝伸出牆外。
|
|
49:23
| 射箭的人大傷害伊，用箭射伊，窘迫伊。
|
|
49:24
| 總是伊的弓猶(iû)原緊(ân)；伊的手也得著有力，這是對雅各的全能者的手，對這就有出牧者，以色列的石磐。
|
|
49:25
| 亦對你的父的上帝，伊欲幫助你；閣對彼個全能者，伊欲賜福你，欲用天頂降落的福氣，深淵所囥(khǹg)的福氣，以及食奶生產的福氣，攏欲互你。
|
|
49:26
| 你的老父所祝的福氣贏過我的父公所祝的福氣，直到永世代的山嶺，極頭的邊界；諸個福氣欲降落佇約瑟的頭殼，臨到彼個及兄弟特別者的頭殼頂。
|
|
49:27
| 便雅憫是(gâu)擘拆(peh-thiah)的豺狼，早起時食伊所抓著的，下昏時分伊所搶著的。」
|
|
49:28
| 這一切是以色列的十二支派；這亦是的老父對所講的話，給所祝福的，攏是照逐人的福份給i福。
|
|
49:29
| 伊閣吩咐講：「我欲倒去我的列祖遐，恁著將我埋葬佇赫人以弗崙田裡的穴，及我的父公像所在， |
|
49:30
| 就是佇迦南地幔利的面前、麥比拉田裡的穴；彼個穴及田是亞伯拉罕對赫人以弗崙買做業，來做墓地的。
|
|
49:31
| 佇遐埋葬亞伯拉罕及伊的某撒拉，閣佇遐埋葬以撒及伊的某利百加；我亦佇遐埋葬利亞。
|
|
49:32
| 彼區田及彼內面的穴是對赫人買的。」
|
|
49:33
| 雅各吩咐伊許個子明白，腳勼(kiu)上床，就氣斷，倒去伊的列祖遐。
|