哈 巴 谷 書

1 2 3

1:1 先知哈巴谷所得著的默示
1:2 耶和華啊!我喉叫,你無聽,欲到底時啊?我因為強暴叫苦,你猶無拯救。
1:3

你啥事互我看見罪惡?橫逆的事,你啥事定定看?毀滅及強暴佇我面前,相爭相拍攏發起。

1:4 因為按呢律法放鬆,無行公平;歹人圍困義人,所以審判無正直。
1:5

恁著佇列國中看來想伊,大大卬愕;因為當恁的日,我欲行一項事,雖然給恁講,恁也呣信。

1:6

看啊,我欲興起迦勒底人,就是殘忍躁暴的邦國,遍行全地,霸佔許個呣是屬伊徛起的所在。

1:7 伊的威風通驚,判斷及權勢攏出佇家己的意思。
1:8

的馬比豹卡緊,比下昏時的豺狼卡猛。馬兵排列開闊,馬兵對遠遠來;in親像鷹緊緊飛欲來食,

1:9 來欲行強暴,的面雄雄進前,聚集所掠的人,親像沙許多。
1:10 伊藐視君王,譏刺貴族,冷笑攏總的衛所,起土堆來攻取伊。
1:11 對按呢伊親像風掃過去,伊經過就犯罪,掠家己的氣力做上帝。
1:12 耶和華──我的上帝,我的聖者啊,你豈呣是對永遠就有嗎?阮致到死。耶和華啊,你為著審判來設立伊;石磐啊,你為著譴責來備辦伊。
1:13

你的目睭清氣,無欲看邪惡,無欲看橫逆;行詭詐者,你啥事定定看啊?歹人吞滅比伊卡公義者,你啥事靜靜啊?

1:14 你啥事互人親像海裡的魚,閣親像啲趖(sô)的蟲,無頭目管理啊?
1:15 伊用鈎一盡釣,伊用網仔掠,用大網拋;為著按呢,伊歡喜快樂,
1:16 就獻祭互伊的網仔,燒香互伊的大網,因為對諸個得著肥媠的份額及充足的食物。
1:17 伊豈通傾空伊的網,常常刣死列國的人,也無保惜嗎?