希 伯 來 書

1 2 3 4 5 6 7 8 9 10 11 12 13

5:1 因為對人的中間所揀的祭司頭,攏是為著人佇關係上帝的事來設立,通為著罪過獻禮物及祭祀。
5:2 伊既然互軟茈所圍困,才會體諒呣知影及失迷的人。
5:3 所以,伊應該因為本身,親像因為百姓為著罪來獻祭。
5:4 閣此個尊貴,呣是人家己取,只有互上帝召的,親像亞倫一樣。
5:5 親像按呢,基督亦呣是家己尊做祭司頭,就是彼個對伊講「你就是我的子,我今仔日生恁」者;
5:6 佇別位亦講:「你永遠做祭司,照麥基洗德的班列。」
5:7 基督佇伊肉體的日,用出力喉叫,閣流目屎,獻祈禱,懇求互彼個會救伊出死者,閣因為伊的敬虔得著聽見。
5:8 雖然做子,亦對所受諸個苦難來學順服。
5:9 已經成做完全,就做凡若順服伊的人永遠拯救的根源,
5:10 互上帝稱伊做祭司頭,照麥基洗德的班列。
5:11 論到此個,阮有多多話愛講,呣拘 得解明,因為恁耳孔鈍的緣故。
5:12 因為論到時的久,恁著家己做先生,若是猶欠用人將上帝的話諸個小學的起頭教恁,閣成做欠用奶、無欠用五殼。
5:13 凡若食奶的無老練義的道理,因為伊是嬰仔;
5:14 獨獨長成的人食五穀;的心竅(sim-khiàu)對練習來練達,到會分別好歹。

回聖經目錄