希 伯 來 書

1 2 3 4 5 6 7 8 9 10 11 12 13

6:1 所以,基督道理的初學,咱且放下啲,來致意進步到完全,免閣下地基,就是反悔來脫離諸個死死的所行,及信上帝、
6:2 諸個洗的禮數,以及按手、死人復活,及永遠的審判,諸個教訓。
6:3 上帝若准,阮就欲按呢行。
6:4 因為人已經曾得著光照、受著天裡的恩賜,
6:5 有份佇聖神,閣受著上帝的好話、及啲來的世界諸個權能,
6:6 後來背叛,就會互閣換新來反悔。因為家己閣釘上帝的子佇十字架,來顯明凌辱伊。
6:7 因為土地,食著沓沓(taüh-taüh)落的雨水,來生菜蔬,合作穡 ( choh-sit ) 人的路用,就得著上帝賜福;
6:8 若是生草茦及蒺藜(chít-lê),就受棄拺,近佇受咒詛,伊的結局就是燒燎去(sio-lio-khì)。
6:9 所疼的兄弟啊!阮雖罔按呢講,若是深信恁逐項卡贏這,閣屬佇得救。
6:10 因為上帝呣是無公道,來記得恁的工,及恁為著伊的名所顯明的仁愛,因為恁平素服事諸個聖徒,到今亦服事
6:11 我愛恁逐人猶原顯出此號的殷勤,互恁的向望滿足,到路尾。
6:12 互恁無致到貧憚 ( pîn-tõa ),就是學許個對信及吞愞來承接諸個應允的人。
6:13 今上帝應允亞伯拉罕的時,因為無卡大的通指來咒誓,就指本身來咒誓,講:
6:14 「我賜福,欲賜福你;加添欲加添你的後裔。」
6:15 親像按呢,亞伯拉罕(gâu )愞,就得著所應允的。
6:16 因為人是指卡大的來咒誓,亦用咒誓做相爭的結尾,來決定伊。
6:17 按呢,上帝愛欲格外顯明伊的旨意移易 ( î-èk ),互許個承接應允的人知,才用咒誓來做證見。
6:18 欲對二項移易的事,上帝所會白賊的,互咱有大大的安慰,就是咱已經逃避來擒所下佇頭前的向望。
6:19 咱為此個向望,親像靈魂的碇,拋佇帳簾內,堅固無移徙。
6:20 耶穌做先鋒,已經為著咱入去遐,成做永遠的祭司長,照麥基洗德的班列。

回聖經目錄