希 伯 來 書

1 2 3 4 5 6 7 8 9 10 11 12 13

8:1 今阮所講,其中第一要緊的,就是咱有親像此號的祭司頭,已經坐佇天頂大威嚴的寶座的大旁,
8:2 伊做聖所,及真的會幕的差用,此個會幕是主所設的,呣是人所設的。
8:3 凡若祭司頭攏為著獻禮物及祭祀來設立,所以此個祭司頭亦的確著有所獻。
8:4 設使伊佇地裡,就無做祭司,因為已經有照律法啲獻禮物的。
8:5 所用來服事的,就是天裡的物的像及影,親像摩西欲造會幕的時,受著命令,講:「你著謹慎,照佇山頂所指示你的款式來造逐項物。」
8:6 今耶穌已經得著卡尊貴的職,是伊做閣卡好的約的中保;就是用閣卡好的應允來設立的。
8:7 因為頭一個約若無通嫌,就無想欲立第二個約。
8:8 因為有嫌,就講,主講:你看,時日欲到,我欲及以色列家以及猶大家,成立新的約
8:9 呣是照我及列祖所立的約,就是佇牽 的手,導埃及地的時,所立的;因為無常常守我的約,我也無看顧。這是主所講的。
8:10 主閣講:諸個日了後,我及以色列家所欲立的約是此個:就是我欲將我的律法下佇 的頭腦,刻佇 的心;我欲做的上帝;欲做我的百姓。
8:11 逐人將來無教示本城的百姓及逐人的兄弟,講:你著識主;因為對細到大,攏欲識我。
8:12 因為我欲憐憫的不義,無閣記念的罪惡。
8:13 既然有講新的,就是互前的約做舊;凡若舊來衰退的,就是將近無去。

回聖經目錄