何 西 阿 書

1 2 3 4 5 6 7 8 9 10 11 12 13 14

6:1 來啊,咱著歸倚耶和華!伊拆裂咱,也欲醫好咱;伊拍咱,也欲包咱的傷。
6:2 過二日伊欲互咱復活,到第三日伊欲互咱起來,咱就活佇伊的面前。
6:3 咱著認識耶和華,出力進前來識伊。伊穩當出現親像天光早的光,伊欲臨到咱親像雨,也親像春天的雨潤澤土地。
6:4 以法蓮啊,我欲怎樣款待你?猶大啊,我欲怎樣款待你?因為你的善良親像早起時的雲霧,閣親像緊緊乾的露水。
6:5 因為按呢,我用先知刣削(siah);用我嘴內的話刣死;我的審判親像光發出。
6:6 因為我愛憐憫,呣愛祭祀;愛人識上帝,贏過燒祭。
6:7 總是背約親像亞當,佇遐向我行詭詐。
6:8 基列就是行歹者的城,染(bak)著血跡。
6:9 親像歸陣的賊,埋伏啲當人,祭司結黨,也親像按呢佇示劍的路刣人,閣實在行邪淫。
6:10 以色列家我看見極通厭惡的事;佇遐有以法蓮的淫行,以色列染著垃墋。
6:11 猶大啊,我互我受掠的百姓倒來的時,就欲為你備辦收割。


回聖經目錄