以 賽 亞 書

1:1	當烏西亞、約坦、亞哈斯、希西家做猶大王的時，亞摩斯的子以賽亞，所得著論猶大及耶路撒冷的默示。
1:2	天啊，著聽！地啊，著俯耳孔！因為耶和華有講：我曾養飼子兒，培養大漢，竟然悖逆我。
1:3	牛識伊的主人，驢識伊的主人的槽，總是以色列呣識；我的百姓曉想(hiáu siūⁿ)。
1:4	嗐啊！犯罪的國，背罪的百姓；行歹的種類，敗壞的子兒！離開耶和華，看輕以色列的聖者，及伊生疏，越倒轉去。
1:5	恁沓沓悖逆(ta̍uh-ta̍uh pōe-ge̍k)，是愛閣受拍嗎？滿頭殼已經痛疼，滿心衰弱。
1:6	對腳跡底到頭殼頂，無一塊好肉，攏是傷嘴、黑青腫，及新拍的傷，攏未有收嘴，未有包密，也無用油潤澤(lūn-te̍k)。
1:7	恁的地已經拋荒；恁的城受火燒毀。恁的田園佇恁的面前互外邦人所深吞，已經拋荒親像互外邦人所敗壞的。
1:8	只有留錫安城，親像葡萄園的草寮，瓜仔田的草厝，受圍困的城。
1:9	若呣是萬軍的耶和華給咱留淡薄剩的百姓，咱就已經親像所多瑪、親像蛾摩拉一樣。
1:10	恁所多瑪的官長啊，著聽耶和華的話！恁蛾摩拉的百姓啊，著俯耳孔聽咱的上帝的教示！
1:11	耶和華講：恁獻許多祭物互我，有甚麼利益？公綿羊的燒祭及肥的精牲的油，我已經飽厭啦；牛牨的血，羊仔的血，山羊牨的血，我攏無歡喜。
1:12	恁來朝見我，是誰對恁討此個，來踏我的院啊？
1:13	莫得閣獻空空的禮物。香料是我所厭惡的；月的初一、安息日，召集的聚會，是行歹，守嚴肅會，我愞住(tiâ u)。
1:14	恁逐月的初一及節期，我的心怨恨，看伊做重擔；互我擔起。
1:15	恁攑起手，我欲掩目睭呣看恁；恁多多祈禱，我也呣聽。恁的手滿滿刣人的血。
1:16	恁著洗、來家己清氣，對我的目睭前除去恁所行的歹，息恁的做歹，
1:17	學習行好，尋公平，拯救受壓制的；給無父的子伸冤，為守寡人辯護。
1:18	耶和華講：恁來，咱相及辯論。恁的罪雖然親像朱紅，欲變白親像雪；雖然紅親像胭脂，欲白親像羊毛。
1:19	恁若甘心聽趁，欲得著食地上的好物，
1:20	若呣聽趁，反轉悖逆，欲受刀劍吞滅。因為耶和華親嘴講伊。
1:21	嗐啊，忠信的城變做娼妓！從前充滿公平，公義踮彼內面，現今是兇手徛起。
1:22	你的銀變做渣滓(che-tái)；你的酒透(thàu)水。
1:23	你的官長犯法，及賊鬥伴，逐個愛受賄賂，數想謝禮。無為著無父的子伸冤；守寡人的案件得著到伊的面前。
1:24	因為按呢，主──萬軍的耶和華、以色列的英雄者講：呼！我欲除我的仇讎(kiû-siû)互家己卡會安得，欲對我的對敵來報讎
1:25	我欲閣下手佇你的身上，一盡鍛煉你的渣滓(che-tái)，除清你的雜質。
1:26	我欲閣設立你的審判官，親像起頭，設立你的謀士，親像早日。然後，你欲稱做公義的城，忠信的城。
1:27	錫安欲因為公平得著救贖；倒轉來的人欲因為公義得著救贖。
1:28	悖逆者及犯罪者欲做一下敗壞；放拺耶和華者的確消滅。
1:29	許個人欲因為恁所歡喜的橡樹來漏氣；恁欲因為所揀的園來見笑。
1:30	因為，恁欲親像葉乾去的橡樹，欲親像無水的園。
1:31	有權勢的欲親像麻屑；伊的所做親像火星，攏做一下，無人拍熄。