約 翰 福 音

1 2 3 4 5 6 7 8 9 10 11 12 13 14 15 16 17 18 19 20 21

14:1 「恁的心莫得迫腹;恁著信上帝,亦著信我。。
14:2 佇我的父的家有多多厝宅;若無,就我已經給恁講啦。因為我去是給恁備辦所在。
14:3 若去給恁備辦所在,就欲閣來接納恁歸佇我,互我所佇啲的,恁亦佇遐。
14:4 我所去的所在,恁識彼條路。」
14:5 多馬給伊講:「主啊,你去的所在阮都呣知,豈會知彼條路啊?」
14:6 耶穌給伊講:「我就是路、是真理、是活命;若無對我,就無人就近父。
14:7 恁若已經識我,就亦識我的父。今了後,恁識伊,亦曾看見伊。」
14:8 腓力給伊講:「主啊,用父互阮看,就夠額。」
14:9 耶穌給伊講:「腓力,我及恁到即久,你猶呣識我嗎?已經看見我的,就是看見父;你怎樣講『用父互阮看』啊?
14:10 佇父,父亦佇我,你呣信嗎?我所給恁講的話,呣是出佇家己來講,就是父住佇我來行伊的代誌。
14:11 佇父,父佇我,恁著信我;若無,就著因為所行的事來信我。
14:12 我實實給恁講,信我的人,我所行的伊欲行伊,就比諸個事卡大的亦欲行伊,因為我歸佇父。
14:13 恁佇我的名凡所求的,我欲行伊,互父佇子得著榮光。
14:14 恁若佇我的名有所求我的,我欲行伊。」
14:15 「恁若疼我,就欲守我的命令。
14:16 我亦欲對父求,就伊欲用閣一個保惠師互恁,互伊永遠及恁住,
14:17 就是真理的神,世間所接納的;因為無看見伊,閣呣識伊。獨獨恁識伊,因為伊及恁相及住,閣欲佇恁。
14:18 我無欲放恁做無父的子,我來就近恁。
14:19 猶霎仔久(iáu tiap-á-kú),世間無閣看見我,獨獨恁看見我;因為我活,恁亦活。
14:20

彼日,恁欲知我佇我的父,恁佇我,我佇恁。

14:21 有我的命令閣守伊的人,此個就是疼我;疼我的人欲得著我的父疼伊,我亦欲疼伊,閣將本身顯明佇伊。」
14:22 猶大(呣是加略人的)給伊講:「主啊,有甚麼事你欲將本身顯明佇阮,無顯明佇世間啊?」
14:23 耶穌應伊講:「人若疼我,伊欲守我的道理;我的父欲疼伊,阮亦欲就近伊,閣及伊同徛起。
14:24 無疼我的人就無守我諸個話。閣恁所聽的道理呣是我的,就是差我的父的。
14:25 「我猶及恁住的時,有將諸個話給恁講。
14:26 若是保惠師就是聖神,父佇我的名所欲差的,伊欲將一切的事教示恁,閣欲互恁記得我一切所給恁講的。
14:27 我用平安留啲互恁;我將我的平安賞賜恁。我啲互恁,呣是親像世間啲互人的款。恁的心莫得迫腹,亦莫得驚惶。
14:28 恁已經聽見我有給恁講,我去閣來就近恁。恁若疼我,就因為我歸佇父,恁會歡喜,因為父比我卡大。
14:29 今事猶未成,我已經給恁講,互恁佇事成的時通信。
14:30 以後我無及恁講多多話,因為世間的人君啲來啦。伊佇我無所有;
14:31 獨獨欲互世間知我疼父,亦照父所命令我的,我按呢來行。起來,咱對遮來去!」


回聖經目錄