約 翰 福 音

1 2 3 4 5 6 7 8 9 10 11 12 13 14 15 16 17 18 19 20 21

15:1 「我是真的葡萄樹,我的父是作園的人。
15:2 見若連佇我的枝無結果子的,伊就芟(san)起來;見若結果子的,伊就修互伊清氣,互伊結果子閣卡多。
15:3 今恁因為我所給恁講的道理,已經清氣啦。
15:4 恁著佇我,我亦佇恁。設使枝無連佇葡萄樹,就會家己結果子,恁若無佇我,亦是按呢。
15:5 我就是葡萄樹,恁就是枝。佇我,也我佇伊的,就結果子多多;因為及我相離,恁就做甚麼。
15:6 人若無佇我,就受棄拺(khì-sak)佇外面親像枝續枯焦( ko͘-tâ),人拾(hiat)落火就燒去。
15:7 恁若佇我,我的話佇恁,凡若所愛的,恁著求,就欲給恁成。
15:8 恁結果子多多,對按呢我的父得著榮光,亦恁欲成做我的學生。
15:9 我有疼恁,親像父有疼我;恁著佇我的疼。
15:10 恁若守我的誡命,就欲佇我的疼,親像我有守我的父的誡命,佇伊的疼。
15:11  「我已經用諸個給恁講,欲互我的歡喜佇恁,亦互恁的歡喜滿滿。
15:12 恁著相疼,親像我有疼恁;這是我的命令。
15:13 人為著朋友獻生命,疼無有比此個卡大的。
15:14 恁若行我所命令恁的,就是我的朋友。
15:15 今了後,我無叫恁做奴僕,因為奴僕呣知伊的主人的所行。若是我已經叫恁做朋友;因為我對父所聽見的,攏有給恁講。
15:16 呣是恁揀我,是我揀恁,閣設立恁,互恁去結果子,閣互恁的果子久長佇啲,互恁佇我的名,無論對父求甚麼,伊就互恁。
15:17 我用諸個命令恁,是欲互恁相疼。」
15:18 「世間若怨恨恁,恁知,伊猶未怨恨恁,已經代先怨恨我。
15:19 恁若屬世間,世間就疼伊家己的;獨獨因為恁呣是屬世間,就是我揀恁出世間,所以世間怨恨恁。
15:20 恁著記得我所給恁講的話,講:『奴僕無卡大伊的主人。』人若有窘逐我,亦欲窘逐恁;若有守我的話,亦欲守恁的話。
15:21 若是欲因為我的名用諸個一切的事款待恁,是因為呣識差我的。
15:22 我若無來給講,就無罪;今的罪無通推辭啦。
15:23 怨恨我的人,亦怨恨我的父。
15:24 我若佇中間呣曾行別人所未曾行的,就無罪;若是今我及我的父,亦有看見亦有怨恨。
15:25 這是欲應驗的律法所記載的話,講:『無緣故怨恨我。』
15:26 是保惠師就是真理的神對父出的,我對父欲差伊就近恁;伊若到,欲為著我做干證。
15:27 恁亦欲做干證,因為恁對起頭及我佇啲。」


回聖經目錄