約 翰 福 音

1 2 3 4 5 6 7 8 9 10 11 12 13 14 15 16 17 18 19 20 21

3:1 有一個法利賽人,名尼哥底某,是猶太人的官。
3:2 暝時來就近耶穌,對伊講:「拉比,阮知你做先生是對上帝來的;因為若呣是上帝及伊佇啲,就無人會行你所行諸個神蹟。」
3:3 耶穌應伊講:「我實實給你講,人若無重頭生( têng-thâu siⁿ),就會看見上帝的國。」
3:4 尼哥底某對伊講:「人已經老,怎樣會重頭生?豈會閣入老母的腹肚來生嗎?」
3:5 耶穌應講:「我實實給你講,人若無對水對聖神來生,就會入上帝的國。
3:6 對肉體生的是肉體;對神生的是神。
3:7 我講:『恁的確著重頭生』,你莫得掠做奇怪。
3:8 風出在(chhut-chāi)意思來吹,你聽見伊的聲,呣知伊對叨落來,叨落去;見若對神生的,亦是按呢。」
3:9 尼哥底某應伊講:「怎樣會按呢啊?」
3:10 耶穌應伊講:「你做以色列的先生,也呣知這嗎?
3:11 我實實給你講,阮是講阮所知的;干證阮所看見的;若是恁呣接納阮的干證。
3:12 我給恁講地上的事,恁尚且(siōng-chhiáⁿ)呣信,若給恁講天頂的事,恁豈欲信?
3:13 無人曾上天,只有佇天裡的人子,對天降落的若定。
3:14 閣親像摩西舉起蛇佇曠野,人子亦的確著按呢受舉起,
3:15 互見若信的人佇伊有永活。
3:16 「因為上帝將獨生的子賞賜世間,互見若信伊的人,沈淪,會得著永活,伊疼世間到按呢。
3:17 因為上帝差子入世間,呣是欲審判世間;是欲互世間對伊得著救。
3:18 信伊的人,無受審判;呣信的人,已經受審判,因為伊呣信上帝獨生子的名。
3:19 所審判的,就是光入(ji̍p)世間,亦人愛暗卡(ài-àm-khah )過頭佇光,因為伊所行是歹。
3:20 見若做歹的怨恨光,亦呣就近光,驚了伊的所行受責備。
3:21 獨獨行真理的人就近光,來顯明伊的所行是佇上帝來行。」
3:22 諸個代誌以後,耶穌及伊的學生到猶太地,及住遐來行洗禮。
3:23 約翰亦啲行洗禮佇近撒冷哀嫩(ai-loán);因為佇遐有多多水,人到遐來受洗禮。(
3:24 因為約翰猶未關落監。)
3:25 對按呢有約翰的學生及一個猶太人爭辯清氣的事,
3:26 來就近約翰,給伊講:「拉比啊,從前(chiông-chêng)及你佇約但外、你所干證的,你看,伊啲行洗禮,眾人攏就近伊。」
3:27 約翰應講:「若呣是對天互伊,就人得著甚麼。
3:28 恁家己為著我做干證,我曾講:『我呣是基督,就是奉差佇伊的頭前若定。』
3:29 有新娘的是新子婿;新子婿的朋友徛啲聽伊,為著新子婿的聲就歡喜到極(ke̍k)。所以,我此個歡喜充滿啦。
3:30 伊的確興旺,我的確衰微(soe-bî)。」
3:31 「對頂面來的是佇萬類的頂面;彼個對地裡的是對地才有,也對地來講。對天來的是佇萬類的頂面。
3:32 伊將所聽見的來干證,亦無人接納伊的干證。
3:33 接納伊的干證的,已經蓋印,來干證上帝是真實。
3:34 因為上帝所差的講上帝的話,是上帝賞賜聖神無限量。
3:35 父疼子,已經將萬物交付伊的手。
3:36 信子的人有永活;呣順子的人看見活,上帝的受氣佇伊的頂面。」

回聖經目錄