約 翰 福 音

1 2 3 4 5 6 7 8 9 10 11 12 13 14 15 16 17 18 19 20 21

5:1 諸個事以後,有猶太人的節期,耶穌上耶路撒冷
5:2 耶路撒冷,近羊門,有池,希伯來的腔口叫做畢士大,有五個兩廊(léng-lông);
5:3 彼內面有睛暝的、跛腳的、血枯焦(ko͘-tâ)的、多多病人倒啲。有古卷記:聽候水陣動,
5:4 因為有時天使落地,互水陣動;水已經陣動(tín-tāng ),頭一個落池的,不論甚麼病,就好。
5:5 佇遐有一人,破病三十八年。
5:6 耶穌看見伊倒啲,知伊的病已經久,給伊講:「你愛得著好嗎?」
5:7 破病的人應伊講:「主啊,水振動(tín-tāng )的時,無人通扶我落池;到我來的時,別人代先我落去啦。」
5:8 耶穌給伊講:「起來,夯(giâ)你的舖仔(pho͘-á)去行(kiâⁿ)!」
5:9 彼人即時好,就夯伊的舖仔去行。
5:10 彼日是安息日,猶太人就給得著醫好的人講:「今仔日是安息日,你夯舖仔是呣合宜(m̄-ha̍p-gî)。」
5:11 若是伊應講:「彼個醫好我的,給我講:『夯你的舖仔來行。』」
5:12 問伊講:「給你講『夯舖仔來行的』是甚麼人?」
5:13 得著好的人呣知伊是是誰;因為耶穌已經去別位,是彼所在的人多。
5:14 後來耶穌佇殿裡抵著伊,就給伊講:「你已經得著好,莫得閣犯罪,驚了你抵著閣卡慘。」
5:15 彼人就去給猶太人講,醫好伊的就是耶穌。
5:16 所以猶太人窘逐(khún-tio̍k)耶穌,因為伊佇安息日做諸個代誌。
5:17 耶穌應講:「我的父行代誌到今,我亦行代誌。」
5:18 所以猶太人益發欲刣(thâi)伊;因為伊呣若犯著安息日,閣講上帝做伊的父,將本身算做(sǹg choè )及上帝平。
5:19 耶穌就應講:「我實實給恁講,子若呣是看見父行的,就家己行甚麼;因為見若父所行的,子亦照按呢行。
5:20 因為父疼子,將本身所行的攏總互伊看,亦欲將比(chiong-pí)諸個卡大的所行互伊看,致到恁奇怪。
5:21 因為親像父互死人起來,閣互活,子亦是按呢互伊所愛的人復活。
5:22 因為父亦無審判人,獨獨用審判的事攏交代子,
5:23 欲互眾人攏尊敬子親像尊敬父。無尊敬子的人,就是無尊敬差伊的父。
5:24 我實實給恁講,聽我的話、亦信差我的,就有永活;到受審判,是已經出死入活啦。
5:25 我實實給恁講,時欲到,現在就是啦,死人啲欲聽見上帝的子的聲,也聽見的人啲欲活。
5:26 因為親像父佇本身有活命,伊亦是按呢互子佇本身有活命,
5:27 閣互伊有權通審判,因為伊是做人子。
5:28 莫得掠此個做奇怪。因為時欲到,見若佇墓內的,欲聽伊的聲,才出來;
5:29 行好的,閣起來得著活;行歹的,閣起來受審判。
5:30 「我家己做甚麼,我照所聽見來審判。我的審判亦是公義;因為我無求家己的意思,就是求差我者的意思。」
5:31 「我若為著家己做干證,我的干證就無真。
5:32 猶有為著我做干證的,我知伊所為著我做干證的是真。
5:33 恁曾差人就近約翰,伊有為著真理做干證。
5:34 若是我所受的干證,呣是對人;獨獨我講諸個,是欲互恁得著救。
5:35 約翰就是燈,點(to̍h)閣光,恁情願暫時歡喜伊的光。
5:36 總是我有干證比約翰的卡大;因為父所交代我來成的事,就是我所行諸個事,干證我是父所差的。
5:37 差我的父,伊亦曾為著我做干證。恁從來呣曾聽見伊的聲,亦呣曾看見伊的形像。
5:38 閣恁無伊的道理存佇恁;因為伊所差的,恁呣信伊。
5:39 恁講究諸個聖經,因為拍算彼中間恁有永活;亦為著我做干證的就是諸個聖經。
5:40 恁又無欲就近我來得著活。
5:41 「我無對人受榮光。
5:42 總是我知,恁無有上帝的疼佇恁的心。
5:43 我佇我的父的名來,恁呣接納我;若有別人佇家己的名來,恁欲接納伊。
5:44 恁大家相共求榮光,呣求對獨一的上帝來的榮光,怎樣會信?
5:45 莫得拍算我欲對父告恁;有啲告恁的,就是恁所倚靠的摩西
5:46 恁若信摩西,亦欲信我,因為伊所寫的有論我。
5:47 恁若呣信伊的冊,豈會信我的話啊?」

回聖經目錄