|
4:1
| 唉啊，黃金退光！好金變色！聖所的石 佇逐條街市口。
|
|
4:2
| 錫安寶貴的眾子通比並好金，現在怎樣看做燒磁人所做的磁器？
|
|
4:3
| 野狗尚且用奶頭互伊的子吸，我的百姓的婦仁人反轉變做殘忍，親像曠野的駝鳥。
|
|
4:4
| 食奶的嬰仔，伊的舌乾燥(ta-sò)吸佇上腭(chiūⁿ-kiuⁿ)；囝仔討餅，無人擘互伊。
|
|
4:5
| 平素食好物者，今佇街路無依倚；平素睏佇朱紅褥仔，今倒佇糞埽堆。
|
|
4:6
| 我的百姓的查某子的罪過比所多瑪的罪惡卡重；伊目 久(ba̍k-nih-kú)倒壞，呣是人的手互伊按呢。
|
|
4:7
| 錫安的世家平素比雪卡清氣，比奶卡白； 的身體比紅寶玉卡紅，親像藍寶石的光滑。
|
|
4:8
| 今的面比火炭卡黑，佇街路裡無人會認得；一重皮綳(piⁿ)一重骨，枯焦親像一支乾柴。
|
|
4:9
| 互刀刣死者比餓死者猶卡值，因為是欠缺田園的土產，漸漸消無，親像莿，鑿透過。
|
|
4:10
| 慈心的婦仁人，親手煮伊的子，我的百姓的查某子抵著毀滅的時，用此個做米糧。
|
|
4:11
| 耶和華一盡發出伊的受氣，傾出伊的大受氣；起火佇錫安，燒伊許個地基。
|
|
4:12
| 地上的君王及世間徛起的百姓攏呣信對敵及仇讎會入耶路撒冷的城門。
|
|
4:13
| 這是因為伊的先知的罪惡，伊的祭司的過失；佇城內流人的血。
|
|
4:14
| 佇街路親像睛暝者亂亂行，閣互血染垃墋，致到人呣敢摸的衫。
|
|
4:15
| 人喝講：閃開，無清氣者，閃開，閃開！呣通摸！逃走四界流的時，列邦中的人講：呣通互伊猶寄腳佇遮。
|
|
4:16
| 耶和華受氣，趕，無閣眷顧；人無尊重祭司，亦無敬長老。
|
|
4:17
| 阮猶啲向望幫助，致到目睭煙暈，猶原是空空；阮佇瞭望的所在，瞭望一個 會救人的國！
|
|
4:18
| 親像拍獵者追趇(jip)阮的腳步，致到阮呣敢行佇阮的街路。阮的結局近啦；阮的日子滿啦；因為阮的結局到啦！
|
|
4:19
| 追趇阮者比空中的鷹鳥卡緊；佇山裡追趇阮，佇曠野埋伏，當等阮。
|
|
4:20
| 耶和華所抹油者通比並阮鼻孔內的氣，佇的陷坑內互人掠著；論到伊，阮曾講：阮欲佇伊的致蔭下，活佇列國中。
|
|
4:21
| 徛起烏斯地以東的查某子啊，做你歡喜快樂；總是苦杯亦欲捧到你遐；你欲飲到醉，家己褪裼裼。
|
|
4:22
| 錫安的查某子啊，你的罪過的刑罰已經盡啦！耶和華的確無互你閣受掠。以東的查某子啊，伊欲辦你的罪過，伊欲顯明你的罪惡。
|