耶 利 米 哀 歌

1 2 3 4 5

5:1 耶和華啊,求你記念阮所抵著的事,看阮所受的凌辱來鑑察伊。
5:2 阮的產業歸佇外邦人;阮的厝宅歸佇別族。
5:3 阮是無老父的孤兒;阮的老母親像寡婦。
5:4 阮著出銀才有水通飲;阮燃柴亦著買。
5:5 追趇(jip)阮者扼著阮的頷頸;阮厭倦得著歇睏。
5:6 阮投降埃及人及亞述人,因為欲得著米糧通食飽。
5:7 阮的列祖犯罪,今無去啦;阮著擔當的罪過。
5:8 奴僕管轄阮,無人救阮脫離的手。
5:9 阮拼生命來得著米糧,因為有刀劍佇曠野。
5:10 阮的皮膚黑親像火爐,因為飢荒來發熱。
5:11 錫安強姦婦仁人,以及猶大諸個城的在室女。
5:12 縛許個貴族的手給吊離地,見著老大的面亦無尊敬。
5:13 少年人扛石磨,囝仔擔柴,致到跋倒。
5:14 老人無閣坐佇城門口;少年人無閣作樂。
5:15 阮的心快樂已經息,阮的跳舞變做悲哀。
5:16 阮頭殼頂的冕旒磕落;阮有災禍啊!因為阮有犯罪。
5:17 因為按呢阮的心暈去,因為按呢阮的目睭花。
5:18 是為著錫安山拋荒,山狗行遊佇彼頂面。
5:19 耶和華啊,你是永遠佇啲;你的寶座代代無息。
5:20 你啥事永遠記得阮?啥事棄拺阮到許久?
5:21 耶和華啊,求你互阮越轉歸你,阮就越轉。求你換新阮的日,親像早時一樣。
5:22

你一盡棄拺阮,受氣阮到極?