利 未 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27

13:1 耶和華吩咐摩西亞倫講:
13:2 「人的皮膚若腫,豈採生癬,抑是生火斑,佇伊的皮膚變成癩(thái-ko)的症頭,著導伊到祭司亞倫抑是到伊的子孫一個祭司的面前。
13:3 祭司著驗皮膚的症頭,若是著症頭的所在彼個毛已經變白,症頭的款式深入去佇皮膚內,這就是癩的症頭。祭司著驗伊,斷伊做無清氣。
13:4 若火斑佇伊的皮膚是白的,款式無深入佇皮膚內,伊的毛也無變白,祭司就著將有症頭的人關禁七日。
13:5 到第七日,祭司著驗伊,看啊,若看見症頭已經停止,伊的症頭無湠(thòaⁿ)入皮膚,祭司著閣給伊關禁七日久。
13:6 到第七日,祭司著閣驗伊,看啊,若症頭卡熄,閣症頭無湠入皮膚,祭司著斷伊做清氣,是癬若定;彼人就著洗衫褲,得著做清氣。
13:7 總是伊為著清氣,將身軀互祭司驗了,癬若湠佇皮膚,伊著閣去互祭司驗。
13:8 祭司著驗伊,看啊,癬若湠佇皮膚,祭司著斷伊做無清氣,是癩
13:9 「人已經有癩的症頭,就著導伊見祭司。
13:10 祭司著驗伊,看啊,皮膚若有所在腫白白,致到伊的毛變白,佇腫的所在見赤肉,
13:11 這是皮肉舊的癩,祭司著斷伊做無清氣,呣免閣關禁伊,因為伊是無清氣。
13:12 若生湠佇皮膚的四圍,佇患症頭的人的皮膚起到滿滿,照祭司驗伊,對頭到腳無一所在無,
13:13 祭司就著驗伊,看啊,癩若已經起佇全身,就著斷彼個患著症頭的做清氣;通身軀攏變白,伊是清氣。
13:14 總是伊的身軀甚麼時見赤肉彼時就無清氣。
13:15 祭司著驗彼個赤肉就斷伊是無清氣。赤肉本是無清氣,是癩
13:16 赤肉若復原,閣變白,伊著來見祭司。
13:17 祭司著驗伊,看啊,症頭若變白,祭司就著斷彼個患症頭的做清氣,伊就清氣。
13:18 「人若佇皮膚生(siⁿ)仔(lia̍p-á),也有醫好,
13:19 佇生仔的所在閣腫白白( chéng pe̍h-pe̍h),抑是粉紅色的火斑,就著互祭司驗。
13:20 祭司著驗伊,看啊,若款式透入皮膚內,伊的毛也變白,祭司著斷伊做無清氣,是癩的症頭發佇仔內。
13:21 祭司若驗伊,看啊,彼頂面無有白的毛,也無透入佇皮膚內,閣有卡熄,祭司就著給伊關禁七日。
13:22 若生湠佇皮膚,祭司就著斷伊做無清氣,是患著症頭。
13:23 火斑(Hé-pan)若佇原所在停止,無生湠,就是仔的痕跡,祭司就著斷伊做清氣。
13:24 「人的皮肉若互火燒著,燒著的所在見赤肉成做火斑,抑是粉紅,抑是攏總白,
13:25 祭司就著驗伊,看啊,火斑中的毛若變白,款式閣深入佇皮膚內,是癩佇火燒的中間發起來,祭司就著斷伊做無清氣,是癩的症頭。
13:26 總是祭司驗了,看啊,佇火跡無有白毛,也無透入皮膚內,閣有卡熄,祭司就著給伊關禁七日。
13:27 到第七日,祭司著驗伊,若湠佇皮膚,祭司就著斷伊做無清氣,是癩的症頭。
13:28 火斑若佇原所在停止,無生湠佇皮膚,閣有卡熄,是對火燒著來腫,祭司著斷伊做清氣,不過是火燒著的痕跡。
13:29 「無論男女,若佇頭殼抑是嘴鬚有致症頭,
13:30 祭司著驗彼個症頭;看啊,款式若深入佇皮膚內,彼中間有幼幼黃的毛,祭司就著斷伊做無清氣,這是瘡,就是頭殼抑是嘴鬚裡的癩
13:31 祭司驗彼個瘡的症頭,看啊,款式若無深入皮膚內,彼中間也無黑的毛,祭司就著將患著瘡的症頭者,關禁七日久。
13:32 到第七日,祭司著驗彼個症頭,看啊,瘡若無湠,彼中間也無黃的毛,瘡的款式也無深入皮膚內,
13:33 彼人著剃伊的毛,總是瘡呣通剃。祭司著閣關禁彼個生瘡的七日久。
13:34 到第七日,祭司著驗彼個瘡,看啊,瘡若無湠佇皮膚,款式也無深入佇皮膚內,祭司就著斷伊做清氣,伊著洗衫褲,就成做清氣。
13:35 總是伊清氣以後,瘡若湠佇皮膚,
13:36 祭司著驗伊。看啊,伊的瘡若湠佇皮膚,祭司呣免閣尋黃的毛,伊是無清氣。
13:37 若照伊看瘡已經停止,彼中間若發黑的毛,瘡既然好,彼人是清氣,祭司就著斷伊做清氣。
13:38 「無論男女,皮肉若起火斑,就是白色的火斑,
13:39 祭司著驗伊,看啊,的皮肉的火斑若是火灰色,這是皮膚所發的白疤,彼人是清氣。
13:40 「人若(lut)頭毛,伊的頭殼是光裸裸,猶是清氣。
13:41 伊的頭殼前的頭毛若,伊是翏額(liù-hia̍h)的,猶久是清氣。
13:42 頭殼光裸裸的所在,抑是翏額的所在若有粉紅色的症頭,這是癩發佇頭光裸裸的所在,抑是翏額的所在,
13:43 祭司著驗伊,看啊,伊的症頭若佇頭殼光裸裸的所在抑是翏額的所在有粉紅色腫起來,親像皮肉癩的款式,
13:44 彼人就是起癩,無清氣的,祭司的確著斷伊做無清氣,伊的症頭是佇頭殼。
13:45 「有癩的症頭者,伊的衫褲著拆裂,伊的頭毛著拍散,掩伊的嘴的頂唇,叫講:『無清氣!無清氣!』
13:46 症頭佇伊的身軀的日,伊就無清氣;伊既然是無清氣,伊著家己伊的所在佇營外。」
13:47 「染著癩症的衫褲,無論是羊毛的,抑是苧布
13:48 無論是經、是緯,是苧布的、是羊毛的、是皮的、抑是皮做的物,
13:49 彼個症頭若是青,抑是紅的色,佇衫褲,佇皮、佇經、佇緯,抑是佇皮做的物,是癩的症頭,著互祭司驗。
13:50 祭司著驗彼個症頭,將染著症頭的物關禁七日。
13:51 到第七日,伊著驗彼個症頭,症頭若湠佇衫褲,佇經、佇緯、佇皮,此個皮無論做甚麼路用,彼個症頭是惡的癩,攏是無清氣。
13:52 彼個染著症頭的衫褲,或是經、是緯、是羊毛、是苧布,抑是皮做的物,伊攏著燒去;因為這是惡的癩,的確佇火中燒去。
13:53 「祭司驗伊,看啊,症頭若無湠佇衫裡,佇經、佇緯,抑是皮做的物,
13:54 祭司著吩咐,洗彼個染著症頭的物,閣關禁七日。
13:55 症頭洗了後,祭司著驗伊,看啊,症頭若無變色,症頭若無閣湠,彼個就無清氣,是惡毒的症頭,無論面歹裏歹,攏著用火燒。
13:56 洗了後,祭司驗伊,看啊,若彼個症頭卡熄,伊就著對衫,抑是皮,抑是經、抑是緯,給伊拆起來。
13:57 若是猶久(iáu-kú )發現佇衫裡,抑是經、抑是緯、抑是皮做的物,這是症頭啲發,著用火燒彼個染著症頭的物。
13:58 你所洗的衫,或是經、或是緯、或是皮做的物,若症頭已經離開,著閣再洗,就清氣。」
13:59 這就是癩症頭的規例,無論是佇羊毛衫,苧布衫,佇經、佇緯,及皮做的物,通斷做清氣抑是斷做無清氣。