利 未 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27

16:1  亞倫二個子近倚耶和華的面前來死。死了,耶和華吩咐摩西,對摩西講:
16:2 「著給你的兄亞倫講,呣通隨便時入聖所的帳簾內、到約櫃頂施恩所的面前,免得死,因為我欲佇雲中顯現佇施恩所的頂面。
16:3 亞倫欲入聖所著按呢,著帶一隻牛牨(káng)仔子做贖罪祭,一隻綿羊牨做燒祭。
16:4 伊著穿幼苧布聖的內衫,也著穿幼苧布的褲佇身軀裡,腰縖幼苧布的帶,頭戴幼苧布的帽;這攏是聖的衣服。伊著用水洗身軀,然後穿伊。
16:5 伊著對以色列人的會中取二隻山羊牨做贖罪祭,一隻綿羊牨做燒祭。
16:6 亞倫著獻為本身做贖罪祭的牛牨,為著本身及伊的家贖罪;
16:7 也著用彼二隻山羊牨安置(an-tì)佇會幕門口、耶和華的面前,
16:8  亞倫著為著彼二隻山羊拈鬮(liam-khau),拈( liam )一隻歸耶和華,拈一隻歸阿撒瀉勒( A-sat-sià-le̍k)。
16:9 亞倫著用彼隻拈鬮(liam-khau)歸耶和華的山羊獻做贖罪祭,
16:10 若是彼隻拈鬮歸阿撒瀉勒的山羊著活活安置佇耶和華的面前,替伊贖罪,放伊去曠野,歸佇阿撒瀉勒( A-sat-sià-le̍k)。
16:11 亞倫著牽為家己做贖罪祭的牛牨仔,為著家己及伊的家贖罪;也著刣為家己做贖罪祭的牛牨仔;
16:12 也著提(the̍h)香爐,對耶和華的面前壇頂貯(tóe to̍h )的火炭滿滿,也著用芳的香末(hiuⁿ-boa̍h)一抙(chi̍t-phóng )帶入帳簾內,
16:13 也佇耶和華的面前,將香下佇火裡,互香煙遮掩約櫃頂的施恩所,免得伊死;
16:14 也著提淡薄牛牨仔的血,用指頭仔(chńg-thâu-á)灑佇施恩所的東勢,閣用指頭仔佇施恩所的面前灑血七擺。
16:15 「閣著刣彼隻為著百姓做贖罪祭的山羊牨,帶伊的血入帳簾內,用伊的血灑佇施恩所及施恩所的面前,親像灑牛牨仔的血一樣。
16:16 閣著因為以色列人的污穢、過失,及一切的罪惡替聖所贖罪,也著為著佇污穢的中間,相及住的會幕照按呢行。
16:17 亞倫入聖所贖罪的時,會幕內呣通有人佇啲,聽候伊為著本身及伊的家及以色列的會眾已經贖罪出來。
16:18 伊著出來,到耶和華面前的壇遐,替伊贖罪,也著提淡薄牛牨仔的血及山羊牨的血,抹佇壇頂許個角的四圍;
16:19 也著用伊的指頭仔灑血佇壇裡七擺,互伊清氣,離開以色列人的無清氣,分別伊做聖。」
16:20 「伊為著聖所、會幕、祭壇贖罪明白,著牽彼隻活的山羊牨仔來。
16:21 亞倫著用二手按佇活的山羊的頭殼,佇伊的頂面認以色列人一切的歹,一切的過失,及一切的罪過,攏歸佇山羊的頭殼,交代所派的人,送去曠野。
16:22 彼隻山羊欲擔當一切的歹,到無人住的所在,伊就放山羊佇曠野。
16:23 亞倫著入會幕,褪伊入聖所的時所穿幼苧的衣服,留佇遐,
16:24 閣著佇聖的所在用水洗身軀,穿伊的衫,出來,獻伊的燒祭及百姓的燒祭,為著本身及百姓贖罪。
16:25 贖罪祭的油著燒伊佇壇頂。
16:26 彼個放山羊歸佇阿撒瀉勒的人,著洗伊的衫,用水洗身軀,然後通入營內。
16:27 做贖罪祭的牛牨及贖罪祭的山羊,的血已經帶入聖所贖罪,的身體著帶出營外,用火燒的皮、的肉、的糞(pùn)。
16:28 的人著洗伊的衫,用水洗身軀,然後通入營內。」
16:29 「逐擺抵著七月初十日,恁著刻苦恁的心,無論是本地人,抑是寄腳佇恁中間的外人,攏呣通做甚麼工;這欲做恁永遠的例。
16:30 因為佇此日欲給恁贖罪,互恁清氣。恁欲佇耶和華的面前得著清氣,脫離一切的罪過。
16:31 此日恁著守做大的安息日,恁著刻苦恁的心;這是做永遠的例。
16:32 彼個受抹油、來設立伊當聖職的祭司,就是承接伊的老父做祭司的,著行贖罪的禮,著穿幼苧布的衫就是聖衫。
16:33 伊著為著聖的聖所贖罪,也為著會幕及祭壇贖罪,閣為著眾祭司及全會的百姓贖罪。
16:34 這著做恁永遠的例就是因為以色列人一切的罪,著一年一擺為著贖罪。」亞倫就照耶和華所命令摩西的來行。