利 未 記 Leviticus

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27

21:1 耶和華對摩西講:「你著吩咐亞倫的子孫做祭司者講:族中有人死,呣通為著伊來拍垃墋家己,
21:2 獨獨為著伊骨肉的親就是為著伊的老母,為著伊的老父,為著伊的子,為著伊的查某子,為著伊的兄弟,
21:3 以及及伊至親、做在室女的姊妹,為著伊通拍垃墋家己。
21:4 伊已經佇百姓中做頭,就呣通從俗來拍垃墋家己。
21:5 頭殼呣通剃光光;嘴鬚(chhùi-chhiu)的周圍(chiu-ûi)呣通髡( khun),也呣通家己割肉。
21:6 著歸的上帝來成聖,呣通褻瀆(siat-to̍k)的上帝的名;因為耶和華的火祭,是的上帝的食物,是所獻的,所以著成做聖。
21:7 呣通娶妓女做某,抑是受拍垃墋的婦仁人做某,也呣通娶互丈夫離出的婦仁人做某,因為是歸的上帝做聖。
21:8 所以你著分別伊做聖,因為伊獻你的上帝的食物;你著看伊做聖,因為我──互恁成聖的耶和華──就是聖者。
21:9 祭司的查某子若行淫凌辱家己,就是凌辱伊的老父,著用火燒伊。
21:10 「佇兄弟中做祭司頭,用抹的油斟佇伊的頭殼,閣設立擔當聖職,穿聖衫的,呣通拍散頭毛,也呣通拆裂衫。
21:11 呣通倚近死屍,也呣通為著伊的老父抑是伊的老母,拍垃墋家己。
21:12 呣通出聖所,也呣通褻瀆伊的上帝的聖所,因為伊的上帝抹油的冕旒佇伊的頭殼。我是耶和華。
21:13 伊著娶在室女做某。
21:14 寡婦抑是受離的婦仁人,抑是受拍垃墋者抑是娼妓諸個,攏呣通娶;獨獨通娶本族的在室女做某。
21:15 佇伊的百姓中呣通凌辱伊的後裔,因為我是互伊成聖的耶和華。」
21:16 耶和華吩咐摩西講:
21:17 「你著給亞倫講:你逐世代的後裔,見有破相的,攏呣通近前來獻伊的上帝的食物。
21:18 因為見有破相的人,無論是睛暝的、跛腳的,凹鼻(nah-phīⁿ)的、肢體有加的、
21:19 折(chi̍h)腳折手的、
21:20 瘟痀(ún--ku)的、矮細的(óe-sòe)、目睭有毛病的、生癬的、生瘡的,抑是損壞外身的,攏呣通近前來。
21:21 祭司亞倫的後裔,凡有破相的,攏呣通近前來,獻耶和華的火祭。伊有破相,呣通近前來獻伊的上帝的食物。
21:22 上帝的食物,無論是至聖者,是聖者,伊攏通食。
21:23 總是呣通來到帳簾,也呣通近壇前,因為伊有破相,免得褻瀆我許個聖所。因為我是互成聖的耶和華。」
21:24 對按呢,摩西吩咐亞倫及伊許個子,及以色列眾人講。