利 未 記

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27

8:1 耶和華吩咐摩西講:
8:2 「你著將亞倫及伊的子,以及衣服,抹的油,及贖罪祭的一隻牛牨、二隻綿羊牨、一筐無酵餅攏帶來,
8:3 閣招集會眾到會幕門口。」
8:4 摩西照耶和華所命令伊的來行;對按呢會眾就聚集佇會幕門口。
8:5 摩西給會眾講:「這就是耶和華所命令著行的事。」
8:6 摩西亞倫及伊的子來,用水給洗。
8:7 給伊穿內衫,縖帶,穿外袍,褡以弗得,用奇巧的工所織以弗得的帶給伊縖用按呢來縛伊佇伊的身軀,
8:8 閣給伊糽補(koà),用烏陵及土明,下佇補(koà)內,
8:9 用帽戴佇伊的頭殼,佇帽頭前的頂面糽金牌,就是聖的冕旒,攏是照耶和華所命令摩西的。
8:10 摩西用抹的油抹會幕及其中所有的物,分別伊做聖;
8:11 閣用彼個油灑壇頂七擺,也抹壇及伊一切的器具,及洗盪的盆及伊的座,分別伊做聖;
8:12 閣用抹的油倒佇亞倫的頭殼頂來抹伊,分別伊做聖。
8:13 摩西亞倫的子來,給穿內衫,縖帶,包頭殼的巾,攏是照耶和華所命令摩西的。
8:14 伊牽贖罪祭的牛牨仔來,亞倫及伊的子按手佇贖罪祭牛牨(káng)仔的頭殼,
8:15 就刣伊。摩西提血用指頭仔抹佇壇頂四周圍許個角,互壇清氣,將血倒佇壇腳遐分別伊做聖,給伊贖罪;
8:16 閣提臟腑所有的油及肝裡的網紗,以及二粒腰子及所有的油,摩西攏燒伊佇壇頂;
8:17 若是牛牨仔,伊的皮、伊的肉、伊的糞,用火燒佇營外,是照耶和華所命令摩西的。
8:18 伊牽燒祭的綿羊牨來;亞倫及伊的子按手佇羊牨的頭殼,
8:19 就刣(thâi)伊。摩西用血灑佇壇頂的周圍,
8:20 將羊切一塊一塊,摩西用頭,及肉塊以及油攏燒伊。
8:21 用水洗臟腑及腿,摩西就將全牲隻羊燒佇壇頂,做芳芳的燒祭,做火祭獻互耶和華,攏是照耶和華所命令摩西的。
8:22 伊閣牽第二隻綿羊牨,就是設立聖職的禮的羊;亞倫及伊的子按手佇羊的頭殼,
8:23 就刣伊。摩西提淡薄血抹佇亞倫的正旁的耳仔垂,及正手的大哺拇,及正腳的大哺拇,
8:24 閣帶亞倫的子來,摩西用淡薄血抹佇正旁的耳仔垂及正手的大哺拇,及正腳的大哺拇,摩西閣用血灑佇壇頂的周圍。
8:25 閣取油及肥的尾,以及臟腑一切的油及肝裡的網紗,二粒腰子及的油,及正腿,
8:26 閣對耶和華的面前、貯(tóe)無酵餅的筐提出一塊無酵餅,一塊油餅,一塊薄餅,攏下佇油及正腿頂,
8:27 將這一切下佇亞倫的手及伊的子的手做搖祭,佇耶和華的面前搖伊。
8:28 摩西對的手提落來,燒佇壇裡燒祭的頂面,攏是設立聖職的禮做芳芳是做獻互耶和華的火祭。
8:29 摩西提羊的胸做搖祭,佇耶和華的面前搖伊,是佇設立聖職的禮的羊,摩西所得著的份額,攏是照耶和華所命令摩西的。
8:30 摩西提抹的油及壇頂的血,灑佇亞倫及伊的衫,以及伊的子及伊的子的衫,互亞倫及伊的衫以及伊的子及伊的子的衫相及做聖。
8:31 摩西亞倫及伊的子講:「將肉煮佇會幕的門口,佇遐食伊,也食設立聖職的禮筐仔內的餅,照我所命令的講:『這是亞倫及伊的子著食的。』
8:32 所剩的肉及餅,恁著用火燒去。
8:33 恁七日久呣通出會幕的門,到恁受設立的禮的日滿,因為七日久伊欲給恁行設立的禮。
8:34 親像今仔日所行的,耶和華吩咐著按呢行,為著恁贖罪。
8:35 七日久恁著暝日佇會幕門口,守耶和華所命令的職份,免得恁死,因為我所受的命令是按呢。」
8:36 亞倫及伊的子就行耶和華託摩西所命令一切的事。