路 加 福 音

1 2 3 4 5 6 7 8 9 10 11 12 13 14 15 16 17 18 19 20 21 22 23 24

3:1 提庇留該撒坐位的十五年,本丟彼拉多猶太的總督,希律加利利分封的人君,伊的兄弟腓力以土利亞特拉可尼地方分封的人君,呂撒聶亞比利尼分封的人君,
3:2 亞那該亞法做祭司頭的時,撒迦利亞的子約翰佇曠野裡,上帝的話到佇伊。
3:3 伊就到約但河的四方,傳反悔的洗禮,互人得著赦罪。
3:4 親像先知以賽亞冊裡所記的話,講:有啲叫佇曠野的,伊的聲講:備辦主的路,修直伊的小路!
3:5 諸個山谷攏欲填淀(thūn-tīⁿ);諸個大小的山頭攏欲互伊低(kē)!彎曲(oan-khiau)的欲互伊直;嵁硈(khâm-khia̍t)的欲互伊平!
3:6 凡有肉體的欲看見上帝的拯救!
3:7 多多人出來欲受約翰的洗禮,伊就對講:「毒蛇的類啊!是誰仔指示恁閃避將來的受氣啊?
3:8 所以恁著結彼號合佇反悔的果子。莫得家己拍算:『有亞伯拉罕做阮的父。』因為我給恁講,上帝會對諸個石頭,出子孫互亞伯拉罕
3:9 今斧頭已經下佇樹頭,見若樹無結好果子的就剉(chhò)伊,落火。」
3:10 眾人問伊講:「按呢,阮著怎樣做?」
3:11 伊應講:「有二領衫的,著分互無的;有物通食的,也著按呢。」
3:12 抽餉的也來欲受洗禮,對伊講:「先生啊,阮著怎樣做?」
3:13 伊對講:「定著的餉以外,莫得加提。」
3:14 兵丁也問伊講:「也阮著怎樣做?」伊對講:「莫得勒索(le̍k-sek)人,莫得彎人,著掠恁所得著的糧做夠額。」
3:15 百姓啲向望的時,眾人心內啲議論約翰豈採是基督。
3:16 約翰應眾人講:「我用水給恁行洗禮,獨獨有一個比我卡有權能的欲來,就若解(tháu)伊的鞋帶我也堪得。伊欲用聖神及火給恁洗。
3:17 伊的手提簸箕(pòa-ki),欲將伊彼場一盡簸,收麥入伊的倉,若是麥香就用熄(hoa)的火燒伊。」
3:18 約翰另外用多多項項苦勸,來傳福音互百姓。
3:19 獨獨分封的人君希律,因為伊的兄弟的某希羅底的緣故,閣因為所行攏總的歹代,互約翰責備;
3:20 今閣加一項,就是將約翰關佇監裡。
3:21 眾百姓已經受洗禮,耶穌也已經受洗禮。祈禱的時,天開,
3:22 聖神降臨佇伊的頂面,形狀親像鴿仔;閣對天有聲,講:「你是我疼的子,我歡喜你。」
3:23 耶穌出頭的時,約略三十歲。伊照人看,是約瑟的子;約瑟希里的子;
3:24 希里瑪塔的子;瑪塔利未的子;利未麥基的子;麥基雅拿的子;
3:25 雅拿約瑟的子;約瑟瑪他提亞的子;瑪他提亞亞摩斯的子;亞摩斯拿鴻的子;拿鴻以斯利的子;以斯利拿該的子;
3:26 拿該瑪押的子;瑪押瑪他提亞的子;瑪他提亞西美的子;西美約瑟的子;約瑟猶大的子;
3:27 猶大約亞拿的子;約亞拿利撒的子;利撒是所羅巴伯的子;所羅巴伯撒拉鐵的子;撒拉鐵尼利的子;尼利麥基的子;
3:28 麥基亞底的子;亞底哥桑的子;哥桑以摩童的子;以摩童的子;約細的子;
3:29 約細以利謝的子;以利謝約令的子;約令瑪塔的子;瑪塔利未的子;
3:30 利未西緬的子;西緬猶大的子;猶大約瑟的子;約瑟約南的子;約南以利亞金的子;
3:31 以利亞金米利亞的子;米利亞買南的子;買南瑪達他的子;瑪達他拿單的子;拿單大衛的子;
3:32 大衛耶西的子;耶西俄伯的子;俄伯波斯的子;波斯撒門的子;
3:33 撒門拿順的子;拿順亞米拿達的子;亞米拿達亞蘭的子;亞蘭希斯崙的子;希斯崙法勒斯的子;法勒斯猶大的子;
3:34 猶大雅各的子;雅各以撒的子;以撒亞伯拉罕的子;亞伯拉罕是他拉的子;他拉拿福的子;
3:35 拿福西鹿的子;西鹿拉吳的子;拉吳法勒的子;法勒希伯的子;希伯沙拉的子;
3:36 沙拉該南的子;該南亞法撒的子;亞法撒的子;挪亞的子;挪亞拉麥的子;
3:37 拉麥瑪土撒拉的子;瑪土撒拉以諾的子;以諾雅列的子;雅列瑪勒列的子;瑪勒列該南的子;該南以挪士的子;
3:38 以挪士的子;亞當的子;亞當是上帝的子。

回聖經目錄